Աղացած մսով սմբուկ. Ամառային ուտելիք
Սմբուկը մեր ընտանիքում սիրված բանջարեղեններից մեկն է: Դրանով պատրաստում ենք զարմանալի ուտեստներ, լցոնված նավակներ և նախուտեստներ: Այսօր ես ուզում եմ ձեզ հետ կիսվել մի անսովոր բաղադրատոմսով, որով թավայի մեջ պատրաստում ենք աղացած մսով սմբուկ:
Ուտեստը շատ բարդ է թվում, բայց շուտով կիմանաք, որ այն նման չէ ձեզ ծանոթ ցանկացած այլ ուտեստի: Այն առանձնահատուկ դարձնողը ոչ թե բաղադրիչների ցանկն է, այլ յուրահատուկ մատուցումը: Միսն ու բանջարեղենը համի ու տեսքի յուրահատկությունը կապահովեն, իսկ տոմատի սոուսը, որի մեջ ուտեստը պատրաստվելու է՝ դրան գույն և բույր է հաղորդելու:
Աղացած մսով սմբուկ. Անհրաժեշտ բաղադրիչները
- Աղացած տավարի միս 200 գ
- Սոխ 1 հատ
- Սխտոր 2 պճեղ
- Աղ 45 գ
- Ցորենի ալյուր 0.5 ճաշի գդալ
- Արևածաղկի ձեթ 500 մլ
- Սմբուկ 2 հատ
- Ջուր 2.3 լ
- Տոմատի մածուկ 2 ճաշի գդալ
- Պապրիկա 0.5 թեյի գդալ
- Ուրց 1 թեյի գդալ
- Սև պղպեղ (աղացած) `ըստ ճաշակի
Աղացած մսով սմբուկ. Պատրաստման եղանակը
- Լվանալ սմբուկները և կտրել դրանք մեջտեղից՝ երկայնքով: Բանջարեղենի ողջ երկարությամբ անել խաչաձև, խորը անկյունագծային հատումներ:
- 1 ճաշի գդալ աղը լուծել 2 լիտր ջրի մեջ, սմբուկը 20 րոպե թողնել լուծույթի մեջ՝ ափսեի օգնությամբ սեղմելով ներքև:
- Սոխը քերել և ավելացնել աղացած մսին: Դրա վրա ճզմել սխտորը, ավելացնել 1 թեյի գդալ աղ, ուրց, պապրիկա, պղպեղ և ալյուր, լցնել 3 ճաշի գդալ արևածաղկի ձեթ և լավ խառնել
- Սմուկը չորացնել թղթե սրբիչներով:
- Դրանից հետո լցնել դրանց արանքները աղացած մսով՝ հավասարաչափ բաշխելով կտրվածքների մեջ:
- Արևածաղկի ձեթը տաքացնել խորը տապակի մեջ՝ ուժեղ կրակի վրա: Լցոնված բանջարեղենը դնել յուղի մեջ և 2-3 րոպե եփել յուրաքանչյուր կողմում:
- Սոուսի համար մի ամանի մեջ խառնել տոմատի մածուկը, 0.5 թեյի գդալ աղ և 300 մլ ջուր: Սմբուկները տեղափոխեք չոր տապակի մեջ, վրան լցնել սոուսը, ծածկել և եփել միջին կրակի վրա:
- Կրակը թուլացնել և եփել ևս 30 րոպե:
Լցոնած սմբուկը մատուցել տապակի մեջ: Ճաշատեսակը շատ յուրօրինակ տեսք ունի, և բոլորը կցանկանան փորձել այն: Հավատացեք ինձ, դրանից հետո դուք վստիպված կլինեք բոլորին տալ բաղադրատոմսը:
Աղացած մսով սմբուկը պատրաստ է
Բարի ախորժակ:
Տեսանյութ
Սմբուկով աղցան
