Ձմռանը մրգերի մեջ գերակշռում են ցիտրուսային մրգերը, ուստի որպես տոնական սեղանի համար պատրաստվող Ամանորյա բադը համեմում ենք նարինջով և մանդարինով։
Ամանորյա բադ. Անհրաժեշտ բաղադրիչները
_Բադ 1,8-2 կգ
_Նարինջ 3 հատ
_Մանդարին 4 հատ
_Սխտոր 6 պճեղ
_Սխտոր 1 գլուխ
_Խնկունի 3 ճյուղ
_Նարնջի կեղև 2 հատ
_Նարնջի հյութ 250 մլ
_Հավի արգանակ 125 մլ
_Ձիթայուղ՝ ըստ ճաշակի
_Աղ՝ ըստ ճաշակի
_Աղացած սև պղպեղ՝ ըստ ճաշակի
Ջնարակի համար
_Շագանակագույն շաքարավազ 3/4 բաժակ
_Կարագ 1 ճաշի գդալ
_Քերած նարնջի կեղև 2 թեյի գդալ
_Նարնջի հյութ 3/4 բաժակ
Ամանորյա բադ. Պատրաստման եղանակը
_Ջեռոցը տաքացնել մինչև 220°C։
_Պատրաստել բադը լցոնման համար՝ մաքրել և լավ լվանալ: Կտրել պարանոցի հատվածի ավելորդ մաշկը, կտրել թևերի ծայրերը կամ փաթաթել դրանք փայլաթիթեղով:
_Օգտագործել պատառաքաղ կամ սուր դանակ՝ ոտքերի և կրծքի մաշկը ծակծկելու համար:
_Սխտորները մաքրել և մանր կտրատել, նարնջի կեղևը քերել մանր քերիչով։ Մանր կտրատել խնկունի ճյուղի կեսի տերևները։
_Հավանգի մեջ խառնել քերած կեղևի կեսը, խնկունին, սխտորի կեսը և լցնել 1 թ/գ աղը, 1/2 թ/գ սև պղպեղը:
_Ստացված բուրավետ խառնուրդով քսել բադը ներսից և դրսից։
_Կտրել 1 նարինջը և 1 մանդարինը շերտերով և լցնել խնկունի մի ճյուղի հետ՝ բադի մեջ:
_Ոտքերը կապել խոհարարական թելով։
_Արգանակը խառնել նարնջի հյութի հետ, ավելացնել մնացած սխտորն ու կեղևը։
_Մնացած նարինջները և մանդարինները կտրատել հաստ օղակներով: Սխտորի գլուխը շերտերով կտրատել։
_Տեղադրել սխտորը և ցիտրուսային մրգերը մեծ տապակի հատակին, դնել խնկունիի ճյուղերը կաղապարի մեջ։
_Բադը դնել ցիտրուսային մրգերի վրա, լցնել արգանակն ու հյութը և դնել ջեռոցը:
_Տապակել 2 ժամ 15 րոպե, բադի վրա հյութից լցնել 15 րոպեն մեկ։
_Պատրաստել ջնարակը։ Լցնել բոլոր բաղադրիչները կաթսայի մեջ և հասցնել եռման աստիճանի՝ հաճախակի խառնելով։
_Նվազեցնել ջերմությունը և եփել մինչև թանձրանա օշարակը, դա պետք է տևի մոտ 15 րոպե:
_15 րոպե քսել ջնարակը բադի վրա, մինչև պատրաստ լինի: Կրկնել յուրաքանչյուր 5 րոպեն մեկ։
_Պատրաստի բադը հանել ջեռոցից, տեղափոխել ամանի մեջ, ծածկել փայլաթիթեղով և թողնել 10 րոպե։
_Հեղուկը դատարկել ձևամանից և խառնել ջնարակի հետ, մի փոքր եռացնել, անհրաժեշտության դեպքում ավելացնել աղ և պղպեղ։ Լցնել սոուսի ամանի մեջ։
Բադը կտորներով կտրատել և մատուցել սոուսի հետ։
Ամանորյա բադը պատրաստ է:
Բարի ախորժակ: