Ամերիկյան հավ. Թռչնամսի յուրահատուկ բաղադրատոմս, որ ստացվում է համեղ և գեղեցիկ
Ամերիկյան խոհանոցում հավի միսն ամենահայտնի մթերիքներից է: Տապակած, շոգեխաշած, պաքսիմատի մեջ, թե՝ խմորով: Բայց, եթե մենք խոսենք այն մասին, թե ինչպես է եփվում հավի միսը ամերիկյան ոճով, ապա խոսքը գնում է բդիկների մասին՝ հատուկ սոուսով:
Այս ուտեստը շատերը պատրաստում են այնպես, որ հնարավորինս հագեցնող լինի: Խորհուրդ ենք տալիս հավը մատուցել բրնձով կամ թեթև բանջարեղենային աղցանով:
Ամերիկյան հավ. Անհրաժեշտ բաղադրիչները
_Հավի բդիկներ 2 կգ
_Քացախ 3 ճաշի գդալ
_Դարչին` ըստ ճաշակի
_Մանանեխ 4 ճաշի գդալ
_Ձիթապտղի յուղ 200 մլ
_Աղ՝ ըստ ճաշակի
_Սև պղպեղ (աղացած)՝ ըստ ճաշակի
_Սխտոր 3 պճեղ
Ամերիկյան հավ. Պատրաստման եղանակը
_Բուսական յուղը (սովորաբար ձիթապտղի յուղ) հարել մանանեխի հետ, այնքան մինչև զանգվածը թանձրանա:
_Այնուհետև ավելացնել քացախ, աղ (1.5 թեյի գդալ), պղպեղ` ըստ ճաշակի, մի պտղունց դարչին և մանրացված սխտոր:
_Բդիկները դնել ջեռոցի ամանի մեջ և չորացնել սրբիչով: Մաշկը պետք է չոր լինի:
_Մարինացնել հավը և թողնել այն մի քանի ժամ, ցանկալի է՝ ամբողջ գիշեր:
_Դրանից հետո, 180 աստիճան տաքացված ջեռոցում թխել մեկ ժամ:
Դուք կարող եք հավը մատուցել անմիջապես ջեռոցի ամանով, կամ թավայով: Երբեք մի հանեք կաշին պատրաստելուց առաջ: Այն կվերածվի փխրուն կեղևի և կպահպանի մսի առավելագույն հյութեղությունը: Օգտագործեք կարագի մարինադը որպես սոուս: Ի դեպ, այն հարմար է նաև հնդկահավի կրծքամիս պատրաստելու համար:
Բարի ախորժակ
Տեսանյութ
Ռուլետ հավի կրծքամսով
