Անուշաբույր կողիկներ. Գարեջրով և սոխով հյութալի համեղություն

Այս անուշաբույր կողիկները շատ փափուկ, նուրբ ու հյութալի են, նրբահամ և կծու:

Դուք կարող եք դրանք պատրաստել ընթրիքի, տոնի կամ խնջույքի համար՝ գրիլի վրա:

Անուշաբույր կողիկներ. Անհրաժեշտ բաղադրիչները

_Խոզի կողիկներ 1 կգ

_Գարեջուր 1 բաժակ

_Բուսական յուղ

_Աղ, պղպեղ, համեմունքներ՝ ըստ ճաշակի

_Մանանեխ 1 ճաշի գդալ

_Սոխ 1 հատ

Անուշաբույր կողիկներ. Պատրաստման եղանակը

_Լվանալ կողոսկրերը և չորացնել թղթե սրբիչներով, կտրել մասերով:

_Կտրել սոխը կիսաօղակներով և ավելացնել միսը։

_Ավելացնել նաև աղը, պղպեղը, համեմունքները, մանանեխը, լցնել գարեջուր և ամեն ինչ լավ խառնել։

_Մսի վրա ափսե դնել, ծանրոցով սեղմել ու այսպես թողնել 1 — 2 ժամ։

_Կաղապարի մեջ մի փոքր բուսական յուղ լցնել, ավելացնել սոխը և դնել կողիկները, թխել 200 աստիճանով, մինչև եփվի։

Հուշում․ եթե որոշել եք այս ուտեստը պատրաստել գրիլի վրա, ապա կողոսկրերը տապակելիս պարբերաբար վրան լցրեք գարեջրով մարինադը, այս կերպ միսը շատ ավելի հյութալի և բուրավետ կլինի։

Եթե ​​Ձեզ դուր է գալիս համի հակադրությունը, ապա մարինադին ավելացրեք նաև մեկ ճաշի գդալ մեղր՝ դա կտա հարուստ բուրմունք և համ:
Այս եղանակով կարող եք թխել ոչ միայն կողիկներ, այլ նաև ցանկացած այլ միս, օրինակ՝ հավի բդիկներ և թևիկներ։ Համեղ է ստացվում թե ջեռոցում, թե գրիլի վրա, թե հենց կրակի վրա։

Բարի ախորժակ:

Տեսանյութ

Խորոված հավի կրծքամսով