Այսօր պատրաստելու ենք համեղ նորույթ բազուկի ճավերից և կանաչ տերևներից։ Այս շատ համեղ և հետաքրքիր տարբերակը շատ տոնական տեսք ունի, տապակայից տարբերվում է իր յուրահատուկ համով և խրթխրթան կեղևով։
Содержание
Բազուկի ճավից և տերևներից նախուտեստի բաղադրիչները
- Բազուկի տերևներ — 3 կապ
- Ձու — 2 հատ
- Սխտոր — 1 ատամ
- Չորահացի փոշի — 100 գր․
- Համեմունքներ՝ չաման, կարմիր պղպեղ
- Կարագ — 50 գր․
Պատրաստման եղանակը քայլ առ քայլ
- Բազուկի տերևները լավ լվանում ենք և կտրատում մոտավորապես այս չափի, որպեսզի հարմար լինի խաշելը
- Լցնում ենք կաթսայի մեջ կտրատված բազուկի տերևները և վրան եռացրած ջուր ենք լցնում, որպեսզի լրացուցիչ ջերմամշակման չենթարկենք մեր մթերքը, այսպես շատ արագ կեռան տերևները
- Կաթսան դնում ենք գազօջախին և ընդամենը մի քանի րոպե եռ գալուց հետո անջատում ենք կրակը և ջրքամում բազուկը
- Բազուկը հարկավոր է ավելի մանրացնել, որպեսզի կպչուն լինեն ավելի կոլոլակ պատրաստելիս
- Ամբողջը կտրատելուց հետո դնում ենք կողքի և սկսում ենք պատրաստել համեմունքները
- Սխտորը ծեծում ենք սխտործեծիչով, աղ ավելացնելով, որպեսզի ջուրը դուրս տա
- Մեկ ձուն լցնում ենք սխտորի վրա և խառնում
- Լցնում ենք սիրելի համեմունքները՝ ես լցնում եմ չամանի փոշի, կարմիր կծու պղպեղ մի լավ խառնելուց հետո ավելացնում ենք բազուկի տերևներին
- Այժմ փոշիացրած պաքսիմատ ենք ավելացնում, որպեսզի բաղադրիչները կպցնի իրար և յուրահատուկ խրխրթան համ ստեղծի
- Այժմ սկսում ենք ձեռքով խառնել, որպեսզի կպնեն բոլոր բաղադրիչները իրար
- Ավելացնում ենք երկրորդ ձուն կրկին խառնում և սկսում ենք ձևավորել այս խճողակից կոլոլակներ
- Ահա այսպիսի չափսի մոտավորապես և շարում ենք ջեռոցի տապակի վրա փռված յուղաթղթի վրա բոլոր կոլոլակները
- Բոլորի վրա մի փոքր կարագ ենք դնում, ցանկության դեպքում կարելի է նաև հալվող պանիր ավելացնել
- Ուղարկում ենք ջեռոց 160 աստիճանում մոտ 15-20 րոպե եփվելու, երբ մի փոքր կարմրին տվող կեղև բռնի ուրեմն ձուն եփվել է կարելի արդեն հանել ջեռոցից
- Ահա, հրաշալի բույրով, հետաքրքիր տեսքով, խռթխռթան կեղևով, մատուցման նոր տարբերակով մեր բազուկի տերևները
Համեղ նորույթ բազուկի ճավից և տերևներից Տեսանյութ
Դե ինչ, բարի ախորժակ։