Առաջարկում ենք պատրաստել հագեցնող և համեղ ապխտած աղցան, որը արագ է ստացվում և հարմար է մատուցել տոնական օրերին:
Ապխտած աղցան. Անհրաժեշտ բաղադրիչները
_Առանց կորիզների ձիթապտուղ 100 գր
_Կարմիր սոխ 2 հատ
_Խոզապուխտ՝ ըստ ճաշակի
_Կիսաապխտած երշիկ 200 գր
_Արևածաղկի ձեթ 1 ճաշի գդալ
_Ապխտած երշիկ 200 գր
_Կարտոֆիլ 4 հատ
_Աղ՝ ըստ ճաշակի
Ապխտած աղցան. Պատրաստման եղանակը
_Կարտոֆիլը լավ լվանալ, եփել կեղևով, մինչև փափկի: Թողնել մի փոքր սառչի, մաքրել, մանր կտրատել և լցնել ամանի մեջ։
_Ավելացնել 4-5 ճաշի գդալ ձիթապտղի աղաջրից, խառնել, ծածկել թաղանթով և թողնել 10 րոպե, տաք տեղում։
_Մաքրել սոխը, կտրատել կիսաօղակներով, ձիթապտուղը և երշիկները կտրատել շրջանակներով, խոզապուխտը՝ բարակ շերտերով։
_Տաքացնել տապակը և տապակել խոզապուխտը: Ծակոտկեն գդալով դնել թղթե սրբիչներով ծածկված առանձին ամանի մեջ։
_Նույն թավայի մեջ տապակել սոխը 3 րոպե։ Ավելացնել երշիկները, տտապակել ուժեղ կրակի վրա՝ անընդհատ խառնելով՝ ևս 2 րոպե։
_Լցնել կարտոֆիլով ամանի մեջ, ավելացնել ձիթապտուղը։ Անհրաժեշտության դեպքում աղ անել, խառնել, վրան ցանել սև պղպեղ: Համեմել արևածաղկի ձեթով։
Բարի ախորժակ:
Տեսանյութ
Կարտոֆիլով աղցան