Մի փորձեք պարզել աջարական խաչապուրի պատրաստելու ամենաճիշտ բաղադրատոմսը, քանի որ այն պարզապես գոյություն չունի։ Ավելի ճիշտ, յուրաքանչյուր վրացի տնային տնտեսուհի ունի իր սեփականը, որը ժառանգել է իր տատիկներից։
Շատերին է հետաքրքրում, թե ինչպես պետք է ուտել այս հրաշքը։ Նախ՝ ձեռքերով, ոչ թե պատառաքաղով ու դանակով։ Աջարական խաչապուրին պետք է ուտել «նավակի» եզրից. Կտրեք պոչը և խառնեք պանրի միջուկը ձվի հետ։ Եվ այսպես շարունակեք: Վերջապես կմնա աջարական խաչապուրու հատակը, որը, անկասկած, նույնպես մեծ հաճույքով կուտեք։
Աջարական խաչապուրի. Անհրաժեշտ բաղադրիչները
Միջուկի համար
_Իմերեթական պանիր 1 կգ
_Ջուր 150 մլ
_Ձու 8-10 հատ
Մատուցման համար
_Կարագ 100 գր
Խմորի համար
_Ալյուր 1 կգ + 2-4 ճաշի գդալ խմորը գրտնակելու համար
_Ջուր 250 մլ
_Կաթ 250 մլ
_Չոր խմորիչ 1 ճաշի գդալ
_Շաքարավազ 1 թեյի գդալ
_Աղ 1 թեյի գդալ
_Բուսական յուղ 1 ճաշի գդալ
Աջարական խաչապուրի. Պատրաստման եղանակը
_Ալյուրը մաղել մեծ ամանի մեջ, լցնել կաթով խառնած տաք ջուրը, ավելացնել խմորիչը, շաքարավազը, աղը և բուսայուղը։
_Խառնել բոլոր բաղադրիչները, մինչև ստացվի միատարր խտության փափուկ խմոր։
_Խմորը ծածկել մաքուր սրբիչով և դնել տաք տեղում 1,5-2 ժամ։
_Երբ ամանի մեջ խմորը բարձրանա, ձեռքերով նորից հունցել։
_Ծածկել սրբիչով և նորից թողնել 1-1,5 ժամ։ Խմորը պետք է դառնա փարթամ և եթերային։
_Քանի դեռ խմորը բարձրանում է, ժամանակն է պատրաստել միջուկը աջարական խաչապուրի թխելու համար։
_Իմերեթական պանիրը խոշոր ամանի մեջ քերել խոշոր քերիչով։
_Ավելացնել ջուրը և հարել այնքան, մինչև ստացվի թանձր մածուկ։
_Խմորը դնել ալյուրոտ սեղանի վրա, բաժանել մոտ 200 գ չափաբաժինների և գնդիկներ ձևավորել։
_Թողնել 10 րոպե սենյակային ջերմաստիճանում։
_Յուրաքանչյուր գնդիկ գրտնակել փոքր շրջանաձև:
_Այնուհետև եզրերը ռուլետաձև ծալել դեպի կենտրոն, ամրացնել և սեղմել։
_Մեջտեղից ոլորքները հեռացնել իրարից՝ «նավակներ» պատրաստելու համար։
_Ստացված «նավակների» մեջ լցնել նախապես պատրաստված պանրի միջուկը և դնել յուղաթղթով ծածկված ջեռոցի տապակի վրա։
_Խաչապուրին դնել 240°C տաքացրած ջեռոցում 15 րոպե։
_Այնուհետև ջեռոցից հանել տապակը, յուրաքանչյուրի վրա կոտրել 1 ձու։
_Դնել ջեռոցում ևս 2 րոպե, մատուցել սեղանին՝ խաչապուրու վրա դնելով կարագի կտորներ։
Բարի ախորժակ:
Տեսանյութ
Խաչապուրի թավայի մեջ 2 րոպեում
