Առաջարկում ենք գնահատել շվեդական խոհանոցի այս հմայիչ բաղադրատոմսը և օգտակար ու հագեցնող, առանց մսի կոլոլակ սոուսով պատրաստել: Սպիտակուցներով և այլ օգտակար հատկություններով հարուստ լոբիները հիանալի փոխարինում են մսին: Աղացած լոբին լավ է պահում կոլոլակի ձևը և համադրվում են շատ այլ բաղադրիչների հետ: Պատրաստումը չափազանց պարզ է, իսկ արդյունքում ստացվում է հարուստ համ:
Պահածոյացված լոբու փոխարեն կարող եք օգտագործել խաշած լոբի: Դա անելու համար լոբին նախապես թրջեք սառը ջրում ամբողջ գիշեր, իսկ հետո եփեք մինչև փափկի: Ավելի դիետիկ լինելու համար առաջարկում ենք կոլոլակները եփել ջեռոցում, բայց թավայի մեջ տապակելու տարբերակը նույնպես հարմար է:
Առանց մսի կոլոլակ սոուսով. Անհրաժեշտ բաղադրիչները
_Արևածաղկի ձեթ 3 ճաշի գդալ
_Սմբուկ 1 հատ
_Սոխ 1 հատ
_Լոբու պահածո 180 գ
_Վարսակի փաթիլներ 20 գ
_Մաղադանոս 0,5 փունջ
_Աղ՝ ըստ ճաշակի
_Սև պղպեղ (աղացած)՝ ըստ ճաշակի
_Սխտոր 3 պճեղ
_Կիտրոն 0,5 հատ
_Ջուր 1 բաժակ
_Սերուցք 60 մլ
_Ցորենի ալյուր 1 ճաշի գդալ
Առանց մսի կոլոլակ սոուսով. Պատրաստման եղանակը
_Լվանալ սմբուկը, չորացնել, կտրել փոքր խորանարդներով:
_Ցողել յուղով, տեղափոխել ջեռոցի տապակի վրա և թխել 180 աստիճանի տակ 15-20 րոպե:
_Մինչ սմբուկները թխվում են, սոխը կտրել կես օղակներով, իսկ սխտորը՝ շերտերով:
_Տապակել ամեն ինչ արևածաղկի ձեթով: Մաղադանոսը մանր կտրատել:
_Լոբին, հացահատիկը, կանաչիի կեսը, սմբուկը և տապակած սոխն ու սխտորը լցնել բլենդերի ամանի մեջ և մանրացնել: Կարող եք նաև ամեն ինչ աղալ:
_Ստացված ֆարշին աղ և պղպեղ անել, խառնել, զանգվածից գնդիկներ ձևավորել ընկույզի չափով:
_Դնել գնդիկները յուղած տապակի վրա և թխել 180 աստիճանով 20 րոպե:
_Սոուսի համար ալյուրը թավայի մեջ բովել մինչև բաց ոսկե- դարչնագույնը: Ավելացնել կես կիտրոնի հյութ, լցնել ջուրը և սերուցքը:
_Համեմել աղով և պղպեղով՝ ըստ ճաշակի, ավելացնել մնացած թակած մաղադանոսը: Խառնել և եփել մի քանի րոպե, մինչև սոուսը թանձրանա:
Դնել կոլոլակներն ափսեի մեջ և վրան լցնել սոուսը: Շվեդիայում մատուցվում է նաև թթվաշ հատապտղի ցանկացած մուրաբա (լոռամրգի, հապալաս, հաղարջ): Խորհուրդ ենք տալիս նույնպես փորձել` դա աներևակայելի համեղ է:
Առանց մսի կոլոլակ սոուսով:
Բարի ախորժակ:
Տեսանյութ
Կոլոլակով բրնձով փլավ
