Այսօր ցույց կտամ, թե ինչպես պատրաստել համեղ և արագ խաչապուրի թավայի մեջ։ Այս բաղադրատոմսով դեռ տատիկս էր պատրաստւմ: Երբ նրան հանգստյան օրերին հյուր էինք գնում, առավոտյան արթնանում էինք այս համեղ նախաճաշի բույրից:
Այժմ ես եմ պատրաստում սա թեյի համար:
Արագ խաչապուրի. Անհրաժեշտ բաղադրիչներ
_ ալյուր — 250 գ
_ ձու — 1 հատ
_ թթվասեր 20% — 200 գ
_ աղ — 0,5 թեյի գդալ
_ բուսական յուղ — 2 ճաշի գդալ
_ կարագ — 50 գ
_ պանիր — 200 գ
_ կաթնաշոռ — 200 գ
_ կանաչի — ըստ ցանկության
Արագ խաչապուրի. Պատրաստման եղանակը
_ Մաղած ալյուրին ավելացնել աղ, բուսական յուղ, թթվասեր և ձվի սպիտակուցը։ Խմորը հունցել, ծածկել թաղանթով և մի կողմ թողնել 30 րոպե։
_ Կաթնաշոռը պատառաքաղով մանրացնել, պանիրը քերել, լցնել ամանի մեջ, ավելացնել ձվի դեղնուցը, հալեցրած կարագն ու մանր կտրատած կանաչին, խառնել։
_ 30 րոպեն անցնելուց հետո խմորը բաժանել 6 մասի և յուրաքանչյուրը գրտնակել բլիթի նման։
_ Միջուկը դնել կենտրոնում, խմորը հավաքել եզրերից մինչև մեջտեղը՝ մատներով ամուր սեղմելով։ Շրջել մյուս կողմի վրա և նորից գրտնակել 4 մմ հաստությամբ:
_ Ստացվում է բլիթ՝ ներսում միջուկով։ Տապակել լավ տաքացրած չոր տապակի մեջ, մինչև ոսկե դարչնագույնը ցածր կրակի վրա:
_ Այնուհետև շրջել բլիթը և ծածկել կափարիչով: Տապակել մյուս կողմից, մինչև պատրաստ լինի:
_ Վերջում խաչապուրիներին կարագ քսել և մատուցել։
Պանրով շատ համեղ բլիթներ են ստացվում, խորհուրդ եմ տալիս պատրաստել։
Սիրու՞մ եք տնական խաչապուրի։
Բարի ախորժակ:
Տեսանյութ
Խաչապուրի թավայի մեջ