Արագ կարկանդակների այս բաղադրատոմսով 1–1,5 ժամ հետո սեղանին կդրվի համեղության մի ամբողջ կույտ: Այս կարկանդակների համար մեզ պետք են միայն շատ մատչելի բաղադրիչներ:
Բանջարեղենն ավելի նուրբ դարձնելու համար ավելացնում եմ մի քիչ ձու-կաթ խառնուրդ։
Ինձ դուր են գալիս այս կարկանդակները, քանի որ դրանք շատ լցոնով են, իսկ խմորի շերտը բարակ է ու խրթխրթան։ Նույնիսկ մի քանի օր հետո դրանք մնում են համեղ և չեն հնանում։
Արագ կարկանդակներ. Անհրաժեշտ բաղադրիչներ
_Մածուն 190 մլ
_Արևածաղկի ձեթ 130 մլ
_Շաքարավազ 35 գ
_Ցորենի ալյուր 300 գ
_Փխրեցուցիչ 6 գ
_Դեղնուց 1 հատ
_Կաթ 60 մլ
_Սպիտակ կաղամբ 350 գ
_Սոխ 1 հատ
_Գազար 1 հատ
_Ձու 1 հատ
_Կարագ 20 գ
_Աղ՝ ըստ ճաշակի
_Սև պղպեղ (աղացած)՝ ըստ ճաշակի
Արագ կարկանդակներ. Պատրաստման եղանակը
_Սոխը կտրատել փոքր խորանարդիներով և տապակել 2 ճաշի գդալ արևածաղկի ձեթով մինչև ոսկե դարչնագույն:
_Մանր քերիչով անցկացնել քերած գազարը, իսկ 1-2 րոպե հետո՝ մանր կտրատած կաղամբը։
_Բանջարեղենը եփել 10 րոպե միջին ջերմության վրա։
_Սենյակային ջերմաստիճանի մածունը լցնել ամանի մեջ, լցնել 0,5 թեյի գդալ աղ և 1 թեյի գդալ շաքարավազ, ավելացնել 90 մլ արևածաղկի ձեթ։ Խառնել մինչև հարթ զանգված լինի:
_Աստիճանաբար ավելացնել փխրեցուցիչի հետ խառնած ալյուրը և հունցել առաձգական խմոր։ Փաթաթել սննդային թաղանթով և թողնել 10-15 րոպե։
_Երբ բանջարեղենը փափկի, ավելացրեք աղ, պղպեղ և 1 թեյի գդալ շաքարավազ, դնել մի կտոր կարագ և շոգեխաշել ևս 10 րոպե միջին կրակի վրա։
_Ձուն և 40 մլ կաթը խառնել, լցնել բանջարեղենի զանգվածի մեջ և ժամանակ առ ժամանակ խառնելով տապակել 2-3 րոպե։
_Սեղանին ալյուր ցանել, խմորը հունցել և երշիկի նման ձևավորել: Ապա բաժանել 50 գ կտորների, դրանցից գնդիկներ անել։
_Յուրաքանչյուր գնդիկ բացել բլիթի նման, կենտրոնում դնել 1,5 ճաշի գդալ լցոն և եզրերը հավաքելով դեպի կենտրոն՝ կազմել եռանկյուն:
_Կարկանդակները դնել յուղաթղթով ծածկած ջեռոցի տապակի վրա:
_Դեղնուցը հարել 1 ճաշի գդալ կաթով և ստացված խառնուրդը քսել կարկանդակներին։
_Արագ կարկանդակները թխել 25 րոպե 180 աստիճան ջերմաստիճանում։
Ստացվում է մոտ 12 կարկանդակ: Փորձեք սրանք թխել տարբեր միջուկներով:
Բարի ախորժակ:
Տեսանյութ
Կարկանդակ ջեռոցում
