Այս արագ կարկանդակները կարող եք պատրաստել րոպեների ընթացքում։ Դուք ունեք ազատ հնարավորություն լցոնումների հարցում փորձարկումներ անել և բոլորովին նոր համեր ստանալու համար։
Մածունով խմորն ամենաբազմակողմանի և շահեկան տարբերակն է, որի հետ համադրվում են տարբեր միջուկներ։ Անպայման փորձեք, ստացեք ձեր սեփական տարբերակը:
Արագ կարկանդակներ. Հարկավոր են հետևյալ բաղադրիչները
_ մածուն 350 գ
_ ձու 1 հատ
_ աղ
_ սոդա 1 թեյի գդալ
_ բուսական յուղ 1 թեյի գդալ
_ ալյուր մոտ 220 գ
_ ապխտած նրբերշիկ 2 հատ
_ խաշած ձու 2 հատ
_ մոցարելլա 100 գ
_ կանաչ սոխ կես փունջ
_ մաղադանոս կես փունջ
Արագ կարկանդակներ. Պատրաստման եղանակը
_ Մածունն ու այլ մթերքները ավելի լավ է նախապես սառնարանից հանել, որպեսզի սենյակային ջերմաստիճան ստանան, նույն ջերմության լինեն։
_ Մածունը խառնել ձվի, աղի հետ և հարել զանգվածը հարիչով։
_ Մաղած ալյուրը լցնել մասերով, ավելացնել սոդան, հունցել խմորը։ Զանգվածը պետք է լինի բավականաչափ թանձր, այնպես որ կարող եք մի քիչ ալյուր ավելացնել, եթե ձեր զանգվածը ջրիկ է։
_ Քերել նրբերշիկ, պանիր և խաշած ձու՝ խոշոր քերիչով, կանաչին մանր կտրատել և խառնել խմորի հետ։ Կարող եք նաև ավելացնել անուշաբույր կանաչիներ, պապրիկա և այլ համեմունքներ ըստ ճաշակի:
_ Խմորը տեղափոխել տոպրակի մեջ, կտրել մի անկյունը և ձողիկների տեսքով կարկանդակները սեղմել տապակի մեջ տաքացրած բուսական յուղի մեջ։
_ Տապակել կարկանդակները թույլ կրակի վրա մինչև ոսկե դարչնագույնը:
Ահա այնպիսի համեղ, փափուկ և նուրբ կարկանդակներ են ստացվում, որոնք կպատրաստեք 30 րոպեում նախաճաշի կամ ընթրիքի համար:
Բարի ախորժակ:
Տեսանյութ
Ընտիր պեռաշկի
