Արագ կարկանդակներ. Այն ամենից, ինչ կա սառնարանում

Պատրաստեք գերազանց համեղ և արագ կարկանդակներ պարզագույն կամ յուրահատուկ հավելումներով։ Սրանք անփոխարինելի են դպրոցում և աշխատավայրում խորտիկի համար:

Այս բաղադրատոմսով կարող եք օգտագործել երեկվա ընթրիքի մնացոորդներ կամ սառնարանի անկյունում մնացած երշիկը: Արագ պատրաստեք ամենապարզ խմորը և լցոնեք հագեցնող միջուկով։

Արագ կարկանդակներ. Անհրաժեշտ բաղադրիչները

_ ալյուր 600 գ

_ կաթ 250 գ

_ խմորիչ 10 գ

_ կարագ 100 գ

_ շաքարավազ 1 ճաշի գդալ

_ աղ՝ ըստ ճաշակի

Միջուկը պատրաստելու համար անհրաժեշտ է.

_ կարտոֆիլի պյուրե 700 գ

_ նրբերշիկ 4 հատ

_ սոխ 1 հատ

Արագ կարկանդակներ. Պատրաստման եղանակը

_ Միջուկի համար կարտոֆիլի պյուրեն խառնել երշիկի կտորների և տապակած սոխի, սամիթի հետ, եթե կան՝ համեմունքներն ավելացրեք։

_ Տաք կաթը խառնել հալած կարագի հետ, ավելացնել շաքարավազը, խմորիչը, աղը և խառնել մինչև համասեռ լինի։

_ Մաղած ալյուրը լցնել մասերով և հունցել փափուկ, չկպչող խմոր։ Եթե ​​ձեզ ավելի շատ ալյուր է պետք, ավելացրեք, պարզապես մի չափազանցեք, որպեսզի խմորը ձիգ չստացվի։

_ Ծածկեք և թողեք տաք տեղում 1 ժամ։

_ Խմորը բաժանել մոտ 20 մասի և դրանցից գնդիկներ անել։

_ Խմորի գնդիկներից պատրաստել բլիթներ, վրան դնել միջուկը և ձևավորել կարկանդակներ, որոնք դնում ենք ջեռոցի տապակի վրա։

_ Թխել 190 աստիճանով մոտ 20 — 30 րոպե, նայեք ձեր ջեռոցին։

Պատրաստի կարկանդակները կարելի է յուղել հալած կարագով։

Տաք կարկանդակները ծածկեք սրբիչով, որպեսզի դրանք չչորանան: Լավագույն համն ունենում են երբ սեղանին մատուցում եք տաք — տաք վիճակում։

Բարի ախորժակ:

Տեսանյութ

Կարտոֆիլով կարկանդակներ