Արագ կարկանդակ խոզապուխտով և պանրով. Անպայման պատրաստեք, երբ ունեք միայն մի քանի րոպե ժամանակ
Մինչև այն պահը, երբ ես առաջին անգամ պատրաստեցի այս կարկանդակը, ամուսինս սովորաբար ճաշի ժամանակ թխած որևէ բան չէր ընդունում: Նա ասում էր, որ նույնիսկ աշխատավայրում կարող է նման բաներ ուտել, բայց տանը ուզում է, որ սեղանին լինեն՝ առաջինը, երկրորդը և կոմպոտը: Բայց խոզապուխտով և պանրով կարկանդակը կտրուկ փոխեց նրա կարծիքը:
Իհարկե, հագեցնող մսով ապուրներին չի կարող փոխարինել այս ուտեստը: Բայց, եթե ձեզ հարկավոր է կարճ ժամանակում ուտելիք պատրաստել, ապա խոզապուխտով կարկանդակը ճիշտ տարբերակ է: Այն մատուցեք մի բաժակ մածունով և ընտանիքի անդամները գոհ կմնան:
Արագ կարկանդակ խոզապուխտով և պանրով. Անհրաժեշտ բաղադրիչները
- Ցորենի ալյուր 375 գ
- Սոխ 2 հատ
- Խոզապուխտ 200 գ
- Կարագ 135 գ
- Չեդար 100 գ
- Կաթ 225 մլ
- Ձիթապտղի յուղ 1 ճաշի գդալ
- Շագանակագույն շաքար 1 ճաշի գդալ
- Փխրեցուցիչ 1 թեյի գդալ
- Ծովի աղ 0,5 թեյի գդալ
Արագ կարկանդակ խոզապուխտով և պանրով. Պատրաստման եղանակը
- Առաջին քայլը կարկանդակի խմորի պատրաստումն է: Կտրատել 125 գ սառեցրած կարագը խորանարդներով և լցնել բլենդերի ամանի մեջ:
- Դրա վրա լցնել ալյուրը՝ փխրեցուցիչով և աղով: Խառնուրդը մանրացնել փշրանքների աստիճան:
- Դրանից հետո խառնուրդի վրա լցնել 125 մլ կաթ, զանգվածը հարել:
- Պատրաստի խմորը տեղափոխել ամանի մեջ, մնացած կաթը լցնել վրան, հունցել բահիկով:
- Մաքրել սոխը և կտրել բարակ կես օղակների:
- Ձիթապտղի յուղը և մնացած կարագը տաքացնել թավայի մեջ: Տապակել սոխը այս խառնուրդի մեջ: Երբ այն թափանցիկ դառնա, ավելացնել շաքարավազ:
- Խառնել սոխը և եփել ևս 2 րոպե: Այն պետք է ստանա կարամելի գույն:
- Կտրատել խոզապուխտը խորանարդիկներով և պանիրը քերել խոշոր քերիչով: Լավագույնն է, որ վերցնեք չեդար պանիր:
- Այժմ խմորին ավելացրեք խոզապուխտի երրորդ մասը և պանրի երրորդ մասը:
- Կլոր բացվող ձևամանը ծածկել յուղաթղթով: Խմորը հավասարապես տարածել մեջը:
- Խմորի վրա լցնել մնացած խոզապուխտի շերտը: Հաջորդը՝ կարամելացված սոխն է: Վերջին շերտով լցնել պանիրը:
- Կարկանդակը թխել 25‒35 րոպե տաքացրած 180 °C ջեռոցում:
Ինչպես միշտ, ատամի չոփով ստուգեք պատրաստ լինելը: Ընդհանուր առմամբ, դուք անմիջապես կհասկանաք, երբ կարկանդակը պատրաստ է: Հմայիչ, ախորժելի հոտն անմիջապես կտարածվի խոհանոցով: Կեղևը սովորաբար ոսկեգույն և փխրուն է:
Արագ կարկանդակ խոզապուխտով և պանրով պատրաստ է: Խորհուրդ ենք տալիս պատրաստել այն:
Բարի ախորժակ:
Տեսանյութ
Նրբահամ պիրոգ
