Արագ ջեռեփուկ. Բաղադրատոմս նրանց համար, ովքեր պատրաստելու ժամանակ չունեն
Այս պարզ բաղադրատոմսը նրանց համար է, ովքեր ճաշ պատրաստելու ժամանակ չունեն,բայց շատ են սիրում համեղ ուտեստներով հաճույք պատճառել ընտանիքի անդամներին:
Սա իսկական գտածո է այդ տանտիկինների համար: Ստացվում է պարզապես աստվածային համով, անուշահոտ և տաք հավի միս՝ եփված անչափ համեղ սոուսով:
Արագ ջեռեփուկ. Անհրաժեշտ բաղադրիչներ
- Հավի կրծքամիս
- Սոխ
- Ձու 2 հատ
- Թթվասեր կամ սերուցք 200 մլ
- Օրեգանո
- Աղ եւ պղպեղ
- Ցանկացած համեմունքներ ձեր ճաշակով
- Լոլիկ 1 հատ
- Թարմ մաղադանոս` զարդարման համար
Արագ ջեռեփուկ. Քայլ առ քայլ բաղադրատոմս
- Հավի կրծքամիսը կտրատել մանր խորանարդիկներով: Երկու ձու կոտրել առանձին ամանի մեջ, աղ, պղպեղ անել, ավելացնել օրեգանո և ամեն ինչ մանրակրկիտ խառնել:
- Այնուհետև ավելացնել թթվասեր կամ սերուցք, կրկին խառնել ամեն ինչ, մինչեւ հարթ զանգված ստացվի:
- Կտրեք լոլիկը շրջանակներով, մանր կտրատել սոխը: Ջեռոցի ձևամանը յուղել բուսական յուղով, ներքևում լցնել մանրացված հավը, աղ և պղպեղ՝ ըստ համտեսի:
- Ավելացնել սոխը, լցնել սերուցքի և համեմունքների խառնուրդը, թեթև խառնել, շարել լոլիկը վերևի մասում և նախապես տաքացված 180 աստիճանով ջեռոցում դնել 45-50 րոպեով: Պատրաստելուց հետո զարդարեք մաղադանոսով:
Արագ ջեռեփուկը պատրաստ է: Ստացվում է շատ պայծառ, հարուստ և հագեցնող ուտեստ, որը պարզ և հեշտ է պատրաստվում:
Բարի ախորժակ: