Արանչինի. Սիցիլիական ուտեստ աղացած մսով

Արանչինի. Սիցիլիական ուտեստ աղացած մսով:

Արանչինին սիցիլիական խոհանոցի բավականին հայտնի ուտեստ է: Այն իրենից ներկայացնում է տապակած բրնձի գնդիկներ, որոնք առավել հաճախ լցվում են մսով: Դրանք պատրաստվում են բավականին պարզ, պետք է միայն համբերել, մինչ հացահատիկը եփվի, այնուհետև սառչի:

Ուտեստը պատրաստելու համար պետք  է վերցնել կլոր բրինձ, քանի որ դրանում օսլայի բարձր պարունակություն կա, ուստի գնդիկներն ավելի հեշտ են ձևավորվում և պատրաստելիս չեն քանդվի:

 

 Արանչինի. Անհրաժեշտ բաղադրիչները 6 անձի համար

• Կլոր բրինձ 500 գր
• Ջուր 1 լ
• Կարագ 30 գր
• Կոշտ պանիր 100 գր
• Դեղնուց 3 հատ
• Աղ՝ ըստ ճաշակի

Լրացնելու համար

• Աղացած միս 150 գր
• Սոխ 1 հատ
• Բուսական յուղ 1 ճաշի գդալ
• Աղ՝ ըստ ճաշակի
• Սև պղպեղ` ըստ ճաշակի
• Համեմունքներ` ըստ ճաշակի

Թաթախման համար

• Սպիտակուց 3 հատ
• Անհրաժեշտության դեպքում` հացի փշրանքներ

 

Արանչինի. Պատրաստման եղանակը

1. Բրնձի վրա լցնել 1 լիտր եռման ջուր, աղ անել: Կրակը հասցնել նվազագույնի, եփել 15-20 րոպե` մինչև հեղուկն ամբողջությամբ գոլորշիանա: Թողնել, որ մի փոքր սառչի:
2. Բրնձին ավելացնել դեղնուցները, քերած պինդ պանիրը և կարագը: Լավ խառնել և լցնել հարթ ափսեի կամ ջեռոցի տապակի վրա: Հարթեցնել, թողնել, որ ամբողջությամբ սառչի:
3. Պատրաստել լցոնը: Դա անելու համար մանր կտրատել մի փոքրիկ սոխ և տապակել բուսական յուղի մեջ, մինչև ոսկեգույն դառնա: Ավելացնել աղացած միս (կարող եք վերցնել տավարի կամ հավի միս): Եփել ևս 2-3 րոպե, մինչև հեղուկն ամբողջովին գոլորշիանա: Համեմել աղով և պղպեղով, ցանկության դեպքում ավելացնել համեմունքներ: Խառնել և եփել ևս 1-2 րոպե: Թողնել, որ մի փոքր մնա, հանգստանա:
4. Արանչինին ձևավորելու համար վերցնել մի փոքր քանակությամբ բրինձ (մոտ մեկ ճաշի գդալ) և այն հարթացրեք տափակ բլիթի տեսքով` ափի մեջ: Վրան դնել մի թեյի գդալ մսի միջուկ և ծածկել մի քիչ բրինձով: Ձևավորել գնդիկ կամ օվալ, ամուր սեղմելով: Եթե ​​բրնձի զանգվածը լավ չի կպչում, ապա դրան կարող եք ավելացնել մեկ ճաշի գդալ օսլա: Այս եղանակով ձևավորել ամբողջ բրինձն ու միսը:
5. Հարել սպիտակուցները պատառաքաղով և թաթախել դրա մեջ պատրաստված գնդիկները, ապա թաթախել չորահացի փշրանքների մեջ:
6. Տաքացնել յուղը թավայի մեջ կամ հաստ հատակով կաթսայում: Անհրաժեշտ է այնքան յուղ, որ գնդիկները  լողան դրա մեջ, բայց ամբողջությամբ չսուզվեն:
7. Փոքր խմբաքանակներով տապակել արանչինին բոլոր կողմերից մինչև ոսկե դարչնագույնը` 5-7 րոպե: Դրանից հետո դրանք շարեք թղթե սրբիչի վրա՝ ավելորդ յուղը կլանելու համար:

Արանչինին պատրաստ է: Մատուցել տաք վիճակում:

Բարի ախորժակ:

Կոլոլակով բրնձով փլավ — Նոր բաղադրատոմս Ձեր Խոհանոցում