Արտասովոր կոտլետ. Զարմանահրաշ համով ու փափուկ ուտեստ
Այս բաղադրատոմսով հավի կրծքամիսը շատ փափուկ է ստացվում և հաճախ կարելի է եփել` առանց ձանձրանալու:
Այն շատ համեղ է և տաք և սառը ժամանակ:
Արտասովոր կոտլետ. Անհրաժեշտ բաղադրիչները
- Հավի կրծքամիս՝ 0,5 կգ
- Ձու 3 հատ
- Աղ, պապրիկա՝ ըստ ճաշակի
- Սև աղացած պղպեղ՝ ըստ ճաշակի
- Օսլա՝ 2 թեյի գդալ
Արտասովոր կոտլետ. Պատրաստման եղանակը
- Հավի կրծքամիսը լավ լվանալ և կտրել միջին չափի կտորներով: Պետք է միսը լավ ծեծել երկու կողմերից:
- Հուշում. Միանգամից մի քանի կտոր դրեք խոհարարական տախտակի վրա, ծածկեք խոհանոցային թաղանթով և ծեծեք միսը: Այս կերպ կարող եք խնայել ժամանակը և չծեծել յուրաքանչյուր կտորն առանձին:
- Դեղնուցներն առանձնացնել սպիտակուցներից, մսին ավելացնել միայն դեղնուցները, ավելացնել աղը, պղպեղն ու օսլան:
- Խառնել և թողնել հանգստանա 10 րոպե:
- Հարել սպիտակուցներն առանձին ամանի մեջ՝ հարիչով, մինչ պինդ բեզեի նման դառնան: Սպիտակուցները հարելուց առաջ մի փոքր աղ անել:
- Հիմա կարելի է արդեն տապակել կոտլետները: Դրա համար տաքացնել տապակը և ավելացնել յուղ:
- Մսի կտորները պետք է թաթախվեն սպիտակուցների մեջ և դրվեն տաք թավայի մեջ:
- Ավելի լավ է միսը տապակել միջին կրակով: Երբ այն երկու կողմից կարմրի, կարող եք վերցնել կրակից:
- Կոտլետները պատրաստ կլինեն, երբ ոսկեգույն կեղև կունենան:
Կոտլետները կարելի է մատուցել ցանկացած կողմնակի ուտեստով: Հյութեղ, արագ և համեղ այս կերակուրը ոչ ոքի անտարբեր չի թողնի:
Բարի ախորժակ:
Տեսանյութ
Խորոված հավի կրծքամիս տնային պայմաններում
