Բանջարեղենային ռագու սնկով. Թեթև ու հագեցնող կերակուր
Ռագուի պատրաստումն իսկական արվեստ է: Դրա տեսակները այնքան շատ են, որ բոլորը կարող են ընտրել իրենց ճաշակին համեմատ: Ոմանք մի քանի ժամ եփում են բանջարեղենն ու միսը ջեռոցում կամ վառարանի վրա: Մյուսները նախընտրում են ավելի արագ ճանապարհներ:
Սնկով բանջարեղենը շատ արագ է եփվում, իսկ արդյունքն ուղղակի հիանալի է, այն աներևակայելի հագեցնող է ստացվում: Դուք կարող եք արևածաղկի ձեթը փոխարինել սովորական ջրով կամ բանջարեղենի արգանակով: Կարտոֆիլը կլինի պակաս խրթխրթան, բայց նույնքան համեղ:
Մի անհանգստացեք, որ ռագուն կայրվի: Բանջարեղենն ու սունկը բավարար քանակությամբ հյութ կտան: Դրան շնորհիվ կերակրատեսակն անչափ բուրավետ կդառնա: Փորձեք, և չեք փոշմանի:
Բանջարեղենային ռագու սնկով. Անհրաժեշտ բաղադրիչները
- Կարտոֆիլ 3 հատ
- Սոխ 1 հատ
- Բուլղարական պղպեղ 1 հատ
- Դդմիկ 1 հատ
- Շամպինիոն 220 գ
- Սխտորի փոշի 0,5 թեյի գդալ
- Չաման 0,5 թեյի գդալ
- Կարմիր պղպեղ (աղացած)՝ 0,5 թեյի գդալ
- Արևածաղկի ձեթ 2-3 ճաշի գդալլ
- Աղ `ըստ ճաշակի
- Սև պղպեղ (աղացած)` ըստ ճաշակի
Բանջարեղենային ռագու սնկով. Պատրաստման եղանակը
- Տաքացնել արևածաղկի ձեթը մեծ թավայում: Կարտոֆիլը կտրել խորանարդներով և լցնել դրա մեջ:
- Խառնել կարտոֆիլը, մինչև կտորներն ամբողջությամբ պատվեն յուղով: Ծածկել կափարիչով և եփել մինչև փափկի, մոտ 10 րոպե:
- Կտրել մնացած բանջարեղենը և սնկերը փոքր կտորներով, լցնել կարտոֆիլի վրա:
- Ավելացնել համեմունքները և եփել ևս 5-10 րոպե, մինչև բանջարեղենը փափկի:
Բանջարեղենով ռագուն մատուցել տաք վիճակում, զարդարել կանաչիներով: Անուշահոտ ուտեստը հպարտությամբ կտեղավորվի ճաշի սեղանի վրա: Համտեսողները նույնիսկ չեն նկատի մսի պակասը:
Բարի ախորժակ:
Տեսանյութ
Օջախուրի խոզի մսով և կարտոֆիլով ժառկո
