Եթե արդեն հոգնել եք սվորական նախաճաշից, ապա փորձեք Բուրավետ ձվածեղ իտալական լավագույն ավանդույթներով։ «Մարգարիտա» ձվածեղը տոմատի սոուսով և մոցարելլայով, անկասկած, կդառնա ձեր սիրելին: Այն կատարյալ է նախաճաշի համար: Մնում է միայն թունդ սուրճ եփել, ջեռոցից հանել անուշահոտ ձվածեղը: Սրանով կապահովեք ողջ օրվա եռանդն ու էներգիան։
Այս ուտեստը կատարյալ դարձնելու համար ցանկալի է օգտագործել լավ թուջե տապակ: Ի վերջո, ձվածեղը պետք է եփվի ջեռոցում։ Բացի այդ, անհրաժեշտ է տոմատի սոուս։ Դուք կարող եք այն գնել խանութից կամ պատրաստել ինքնուրույն: Պետք է ընտրել միայն հասած լոլիկ և վերցնել ձեր սիրած համեմունքները։ Վերջում մնում է ավելացնել մի քանի ճաշի գդալ ձիթապտղի յուղ, ևամեն ինչ պատրաստ է:
Բուրավետ ձվածեղ Մարգարիտա. Բաղադրիչներ
_Ձու 8 հատ
_Լոլիկ 150 գ
_Աղ՝ ըստ ճաշակի
_Սև պղպեղ (աղացած)՝ ըստ ճաշակի
_Օրեգանո 2 պտղունց
_Կարագ 30 գ
_Մոցարելլա 100 գ
_Ձիթապտղի յուղ 4 ճաշի գդալ
Բուրավետ ձվածեղ Մարգարիտա. Պատրաստման եղանակը
_Ձվերը հարել մի պտղունց աղով և աղացած սև պղպեղով։
_Լոլիկը քերել կամ աղալ մսաղացով։ Ավելացնել աղ, սուսամբար և սև պղպեղ։
_Լցնել ձիթապտղի յուղը, մանրակրկիտ խառնել։
_Վերցրեք տապակ կամ հատուկ աման, որը հարմար է ջեռոցի համար։
_Դրա մեջ հալեցնել կարագը։ Լցնել ձվի խառնուրդը։ Եփել թույլ կրակի վրա՝ կափարիչով ծածկված, մինչև ձվածեղի վերին մասը ամրանա։
_Պատրաստի ձվածեղին քսել տոմատի սոուսը։
_Մոցարելլան քերել, շաղ տալ սոուսի վրա:
_Ձվածեղով տապակը դնել 220 աստիճան տաքացրած ջեռոցում 8-10 րոպե։
Պատրաստի ձվածեղի վրա կարող եք ցանել մանր կտրատած կանաչիներ կամ պարզապես զարդարել ռեհանի տերևներով։
Բուրավետ ձվածեղ Մարգարիտան պատրաստ է:
Բարի ախորժակ
Տեսանյութ
Համեղ նախաճաշ