Պահքի մեջ գտնվողներին առաջարկում ենք համեղ ուտեստ՝ Բրինձը սպանախով և չամիչով:
Բավական է եփած բրնձին ավելացնել ցանկացած կանաչի` սպանախով, ճակնդեղի ճավեր, կաղամբ կամ նույնիսկ սառնարանում մնացած կանաչ սալաթի մնացորդներ, ավելացնել համեմունքներ և չամիչ, որպեսզի ստանաք հիանալի բուսական ուտեստ:
Բրինձը սպանախով և չամիչով. Անհրաժեշտ բաղադրիչները
_5 պճեղ սխտոր
_2 թեյի գդալ համեմի սերմ
_½ թեյի գդալ աղ
_2-3 ճաշի գդալ ձիթապտղի ձեթ
_300գ սառեցված կամ 500գ թարմ սպանախ
_½ բաժակ սպիտակ չամիչ
_3-4 ճաշի գդալ սպիտակ գինու քացախ
_2 բաժակ խաշած երկար բրինձ
_½ թեյի գդալ աղացած բուրավետ պղպեղ
_¼ թեյի գդալ աղացած սպիտակ պղպեղ
Բրինձը սպանախով և չամիչով. Պատրաստման եղանակը
_Չամիչը թրջել եռման ջրով, լցնել փոքրիկ ամանի մեջ ու վրան լցնել քացախը։
_Սխտորը համեմի և աղի հետ տրորել հավանգի մեջ կամ մանրացնել բլենդերով:
_Կաթսայի մեջ թույլ կրակի վրա տաքացնել ձիթապտղի յուղը, ավելացնել սխտորի խառնուրդը և տաքացնել 30 վայրկյան։
_Ավելացնել սպանախը (սառեցված սպանախը հալեցնելու կարիք չունի), կրակը ուժեղացնել և եփել այնքան, մինչև հեղուկի գրեթե ամբողջ ծավալը գոլորշիանա։
_Ավելացնել բրինձն ու քացախով չամիչը, համեմել բուրավետ պղպեղով և սպիտակ պղպեղով և տաքացնել՝ խառնելով 7-10 րոպե։
_Մատուցել որպես անկախ ճաշատեսակ կամ որպես խավարտ տապակած կամ թխած ձկան հետ:
Բարի ախորժակ:
Տեսանյութ
Զատկի չամիչով փլավ
