Բրնձով կոլոլակներ սոուսով. Նուրբ ու հյութեղ ջեռեփուկ թեթև ընթրիքի համար

Բրնձով կոլոլակները ավելի նուրբ են ստացվում հենց տոմատի սոուսի շնորհիվ։ Կոլոլակները կարելի է մատուցել որպես ինքնուրույն ուտեստ, ինչպես նաև կողմնակի ճաշատեսակի հետ ընկերակցությամբ։

Բրնձով և սոուսով կոլոլակները թխում են ջեռոցում, ինչն էլ ավելի հեշտ է դարձնում դրանց պատրաստումը և շատ ավելի համեղ ու թեթև:

 

Բրնձով կոլոլակներ սոուսով. Անհրաժեշտ բաղադրիչները

Կոլոլակների համար 

_1 կգ աղացած միս

_1 բաժակ բրինձ

_1 սոխ

_1 գազար

_1 ճաշի գդալ մայոնեզ

_աղ, պղպեղ՝ ըստ ճաշակի

Սոուսի համար

1 բաժակ ջուր

0,5 բաժակ տոմատի սոուս

3 ճաշի գդալ թթվասեր

2 ճաշի գդալ մայոնեզ

2 ճաշի գդալ ալյուր

աղ, պղպեղ՝ ըստ ճաշակի

Բրնձով կոլոլակներ սոուսով. Պատրաստման եղանակը

_Կոլոլակ պատրաստելու համար անհրաժեշտ է բրինձը կիսով չափ եփել և խառնել աղացած մսի հետ։ Սոխը և գազարը մանր կտրատել և տապակել թավայի մեջ, պատրաստի սոխեռածն ավելացնել աղացած մսի և բրնձի զանգվածին։

_Ավելացնել մայոնեզ, աղ և պղպեղ, ամեն ինչ լավ խառնել։

_Ստացված զանգվածից կոլոլակներ ձևավորել և դնել թխման ամանի մեջ։

_Սոուսը պատրաստելու համար հարկավոր է խառնել բաղադրության մեջ ներառված բոլոր բաղադրիչները՝ ջուր, լոլիկի սոուս, թթվասեր, մայոնեզ և ալյուր։

_Համեմել աղով և պղպեղով՝ ըստ ճաշակի։ Ստացված սոուսը լցնել պատրաստված կոլոլակների վրա։

_Թխել բրնձով և սոուսով կոլոլակները 30 րոպե 180-200 աստիճան ջերմաստիճանում։

Բարի ախորժակ!