Ամեն տնային տնտեսուհի չէ, որ գիտի, թե ինչպես ճիշտ պատրաստել Բրնձով փլավ, որպեսզի այն լավ ստացվի: Եթե ձեր բրինձ չեք սիրում եփել, որովհետև այն ստացվում է կպչուն և ոչ թե հատ հատ, այլ շիլայանման, նշանակում է, որ այս բաղադրատոմսը հենց ձեզ համար է: Եվ այսպես, մենք ուզում ենք ձեզ համար բացահայտել բոլորի կողմից սիրված ուտեստը պատրաստելու պարզ եղանակը:
Այս բաղադրատոմսն օրինակ է այն բանի, թե ինչպես կարելի է պատրաստել անուշաբույր, ունիվերսալ ուտեստ կարճ ժամանակում և նվազագույն բաղադրիչներով: Պատրաստելիս օգտագործեք եռման ջուր: Սա է փխրուն փլավի ամբողջ գաղտնիքը: Լավ կլինի, որ օգտագործեք ձիթապտղի յուղ, իսկ դեղին գույն ստանալու համար անհրաժեշտ է ավելացնել քրքում:
Բրնձով փլավ. Անհրաժեշտ բաղադրիչները
_Բրինձ 150 գ
_Ջուր 300 մլ
_Ձիթապտղի յուղ 2 ճաշի գդալ
_Աղ 0.5 թեյի գդալ
_Քրքում 0.25 թեյի գդալ
Բրնձով փլավ. Պատրաստման եղանակը
_Լվանալ բրինձը սառը ջրով, ապա ցամաքեցնել քամիչով: Ձիթապտղի յուղը տաքացնել կաթսայի մեջ, ապա ավելացնել չոր բրինձը: Խառնել այնքան ժամանակ, մինչև յուղը ծածկի յուրաքանչյուր հատիկ:
_Թեթև տապակած բրնձի վրա եռացրած ջուր լցնել: Ավելացնել աղ և քրքում: Ծածկել կաթսան կափարիչով և թուլացնել կրակը: 15-20 րոպե եփել բրինձը, մինչև հեղուկն ամբողջովին գոլորշիանա: Եփելիս չբացել կափարիչը և չխառնել բրինձը:
_Կրակն անջատելուց հետո բրինձը փակ կափարիչի տակ թողնել ևս 15 րոպե, որպեսզի այն «հասնի»: Դրանից հետո հանել կափարիչը և պատառաքաղով թեթևակի խառնել փլավը:
Այս կողմնակի ուտեստը կարելի է մատուցել մսի կամ ձկան հետ: Որպեսզի բրինձը ավելի համեղ ու բուրավետ լինի, այն եփեք ոչ թե ջրով, այլ բանջարեղենի արգանակով: Բացի քրքումից, կարող եք ավելացնել ձեր նախընտրած համեմունքները:
Բրնձով փլավը պատրատ է:
Բարի ախորժակ:
Տեսանյութ
Կոլոլակով փլավ
