Բրոկոլիով ջեռեփուկ. Գտածո բաղադրատոմս նախաճաշի կամ ընթրիքի համար
Ես սիրում եմ հագեցնող նախաճաշեր, քանի որ օրվա առաջին կերակուրը շատ կարևոր է: Մի անգամ սառնարանում հատուկ բան չկար, և ես որոշեցի պատրաստել այն, ինչ կար այդ պահին: Եվ բոլորովին չփոշմանեցի դրա համար: Հիմա բրոկոլիով ջեռեփուկն իմ սիրելիներից մեկն է:
Սա հիանալի տարբերակ է, քանի որ համեղ և առողջարար ուտեստը պատրաստվում է արագ և ուտվում է նույնիսկ ավելի արագ: Ես պատրաստում եմ այն, ինչ ունեմ, հատուկ սրա համար ոչինչ չեմ գնում: Հետեւաբար, բրոկկոլին և գազարը հեշտությամբ կարող եք փոխարինել այլ բանջարեղենով:
Բրոկոլիով ջեռեփուկ. Անհրաժեշտ բաղադրիչները
- Ձու 8 հատ
- Բրոկոլի 450 գ
- Գազար 130 գ
- Կոշտ պանիր 50 գ
- Վարսակի փաթիլներ 25 գ
- Արևածաղկի ձեթ 1 ճաշի գդալ
- Սխտորի փոշի ըստ համտեսի
- Աղ ըստ համտեսի
- Սև պղպեղ (աղացած) ըստ համտեսի
Բրոկոլիով ջեռեփուկ. Պատրաստման եղանակը
- Գազարները մաքրել և քերել: Բրոկոլին բաժանել ծաղկաբույլերով և մանր կտրատել: Բանջարեղենը տապակել բուսական յուղի մեջ:
- Ձվերը թեթեւակի հարել, ավելացնել աղ, պղպեղ, սխտորի փոշի, աղացած վարսակի փաթիլները և քերած պանիր, խառնել:
- Ձվի խառնուրդին ավելացնել եփած բանջարեղենը, խառնել:
- Ջերմակայուն ամանը յուղաթղթով ծածկել և մեջը լցնել ձվի և բանջարեղենի խառնուրդը: Թխել 10 րոպե 180 ° C ջերմաստիճանում:
Բանջարեղենով ջեռեփուկը ստացվում է ոչ միայն համեղ, այլև գունագեղ և ակնահաճո` ամռան նման: Այս ուտեստը միանգամից կուրախացնի ձեզ մռայլ առավոտյան կամ աշխատանքային ծանր օրվանից հետո: Ձմռանը կարող եք օգտագործել սառեցված բանջարեղեն: Պարզապես հիշեք, որ դրանք պետք է հալեցնել և ցամաքեցնել, որպեսզի ուտեստում ավելորդ խոնավություն չլինի: