Մենք հաճույքով ձեզ հետ կկիսվենք Գարեջրով տապակած հավ պատրաստելու հաջող բաղադրատոմսով: Հիանալի մարինադով միսը կստացվի փափուկ, հյութալի և անուշաբույր: Պարզապես հիշեք, որ նախքան հավ պատրաստելը, այն պետք է լավ մաքրել և մանրակրկիտ լվանալ:
Պետք է պահպանել երեք պարզ կանոն՝ որակյալ թարմ միս, ճիշտ մարինադ և թխելու ճիշտ ջերմաստիճան: Եթե պահպանեք բոլոր երեք կետերը, ուտեստը ձեզ կհմայի իր համով և քնքշությամբ:
Գարեջրով տապակած հավ. Անհրաժեշտ բաղադրիչները
_Հավ 1 կգ
_Սոխ 1 հատ
_Սխտոր 5 պճեղ
_Ձիթապտղի յուղ 0,5 բաժակ
_Դիժոնյան մանանեխ 4 ճաշի գդալ
_Բաց գարեջուր 2 բաժակ
_Աղ՝ ըստ ճաշակի
_Սև պղպեղ (աղացած)` ըստ ճաշակի
Գարեջրով տապակած հավ.Պատրաստման եղանակը
_Հավը լավ լվանալ և դնել կրծքի կողմով` մշակման տախտակի վրա: Օգտագործելով մեծ, սուր դանակ, ողնաշարի երկու կողմերից կտրել կողոսկրերը:
_Ձեռքով սեղմել կրծքի ոսկորը և հավը տափակացնել:
_Մարինադ պատրաստելու համար մաքրել սխտորը և սոխը կեղևից և կտրատել:
_Խորը ամանի մեջ խառնել գարեջուրը, ձիթապտղի յուղը, մանանեխը, սև պղպեղը, աղը և մանանեխը: Մարինադը լցնել հավի վրա և դնել սառնարանն ամբողջ գիշեր:
_Հավը տապակելուց 30 րոպե առաջ հանել սառնարանից և թողնել հասնի սենյակային ջերմաստիճանի:
_Ջեռոցը տաքացնել 200 աստիճանով, հավը դնել կաղապարի մեջ, մնացած մարինադի կեսը լցնել և դնել ջեռոցը:
_Կես ժամ անց մարինադի սոխը և շերտերով կտրատած սունկը լցնել ձևամանի մեջ: Պատրաստ լինելուց մոտ 10 րոպե առաջ հավին ավելացնել չերի լոլիկ:
Մատուցել տաք վիճակում՝ գյուղական ոճով պատրաստված անուշաբույր կարտոֆիլի և թեթև բանջարեղենային աղցանի հետ: Այսպիսով հեշտությամբ կարող եք պատրաստել համեղ, հագեցնող ընթրիք:
Բարի ախորժակ:
Տեսանյութ
Հավի խորոված ջեռոցում
