Յուրաքանչյուր տնային տնտեսուհի ունի դասական պելմենիի պատրաստման իր գաղտնիքները:
Առաջարկում ենք հայտնի ուտեստի մեր, երկար տարիներով փորձված բաղադրատոմսը:
Դասական պելմենի. Անհրաժեշտ բաղադրիչները
_Թթվասեր մատուցելու համար
Խմորի համար
_Ալյուր + մի քիչ ցանելու համար 590 գր
_Ջուր 250 մլ
_Արևածաղկի ձեթ 2 ճաշի գդալ
_Շաքարավազ մի պտղունց
_Աղ մի պտղունց
_Օսլա ըստ ցանկության 50 գր
Մսով լցոնի համար
_Խոզի միս 300 գր
_Տավարի միս 400 գր
_Սոխ 250 գր
_Աղ մի պտղունց
_Աղացած սև պղպեղ մի պտղունց
_Կաթ 3.2% 100 մլ
Դասական պելմենի. Պատրաստման եղանակը
_Ալյուրը մաղել աշխատանքային մակերեսի վրա, կենտրոնում փոսիկ անել և ավելացնել խմորի մնացած բաղադրիչները։
_Ալյուրը ներքևից դեպի կենտրոն բարձրացնելով հունցել ոչ շատ կպչուն խմոր, ծածկել թաղանթով կամ խոնավ սրբիչով։
_Թողնել 30 րոպե սենյակային ջերմաստիճանում։
_Մսով լցոնի համար. խոզի, տավարի միսը և սոխը աղալ մսաղացով, աղ և պղպեղ անել ավելացնել կաթը, մանրակրկիտ խառնել, մինչև հարթվի:
_Խմորը 2-3 մմ հաստությամբ ալյուրապատ սեղանի վրա բարակ գրտնակել։
_Բաժակով կտրել շրջանակներ, յուրաքանչյուր շրջանակի վրա դնել միջուկը։
_Ձեռքի ափին դնել միջուկով խմորի շրջանը և զգուշորեն սեղմել եզրերը։
_Եզրերը միացնել և ամրացնել՝ մատներով ամուր սեղմելով, որպեսզի լավ կպչեն իրար։
_Նույն կերպ պատրաստել մնացած պելմենիները։
_Պատրաստի պելմենները դնել տախտակի կամ հարթ ափսեի վրա և սառեցնել:
_Այնուհետև տեղափոխել տոպրակի մեջ և դնել սառցարանում:
_Եթե չեք պատրաստվում պահել հետոյի համար, ուրեմն պելմենին 10-12 րոպե եփել աղաջրի մեջ։
_Մատուցել թթվասերով։
Բարի ախորժակ:
Տեսանյութ
Համեղ Պելմենի հեշտ տարբերակով
