Դդմիկը խոզապուխտով. Հագեցնող և թեթև ամառային ուտեստ
Տարին մի քանի ամիս դդմիկը դառնում է խոհարարական արվեստի կենտրոն: Տնային տնտեսուհիները միմյանց հետ կիսվում են բաղադրատոմսերով և փորձում են բանջարեղենին նոր տեղ հատկացնել արդեն ծանոթ ուտեստների շարքում: Օրինակ ես այս ուտեստն ամեն օր եմ պատրաստում և մատուցում եմ հացի փոխարեն: Ընտանիքիս անդամները հիանում են համեղ նախուտեստներով, և ես ուրախ եմ, որ բոլորը ուտում են առողջ բանջարեղեն:
Այս ուտեստը կարելի է մատուցել ոչ միայն աշխատանքային օրերին, այլ նաև տոնական սեղանին: Հաճելի նախուտեստը կկարողանա զարմացնել հյուրերին և մրցել այլ ուտեստների հետ` առավել համեղ կոչվելու պատվին: Ի դեպ, խոզապուխտը կարող է փոխարինվել ապխտած երշիկով կամ ձեր նախընտրած ցանկացած այլ մթերքով:
Դդմիկը խոզապուխտով. Անհրաժեշտ բաղադրիչները
- Դդմիկ 2 հատ
- Կոշտ պանիր 100 գ
- Խոզապուխտ 70 գ
- Ձու 1 հատ
- Սխտոր 1 պճեղ
- Աղ՝ ըստ ճաշակի
- Ցորենի ալյուր 2 ճաշի գդալ
Դդմիկը խոզապուխտով. Պատրաստման եղանակը
- Լվանալ դդմիկը, կեղևը մաքրել և քերել խոշոր քերիչով:
- Համեմել աղով և թողնել 5 րոպե, որպեսզի հյութը դուրս տա, քամել ավելցուկային հեղուկը:
- Պանիրը քերիչով քերել, լցնել դդմիկի վրա, ավելացնել նաև ձուն, ալյուրը և մամլիչով ճզմած սխտորը:
- Լավ խառնել բաղադրիչները: Խոզապուխտը կտրել միջին չափի խորանարդներով:
- Ջեռոցի տապակը յուղաթղթով ծածկել: Դնել 1 ճաշի գդալ քերած դդմիկը, և վրան շաղ տալ կտրատած խոզապուխտը:
- Ցանկության դեպքում՝ խորտիկի վրա շաղ տալ կտավատի կամ քնջութի սերմեր:
- Թխել խոզապուխտով դդմիկը 20 րոպե 200 ° C տաքացրած ջեռոցում:
Դդմիկի և պանրի խառնուրդի վրա թխած խոզապուխտը հիանալի և արագ կերակուր է: Միակ դժվարությունը դդմիկը քերելն է, իսկ մնացածը նույնիսկ երեխան կարող է գլուխ բերել:
Բարի ախորժակ:
Տեսանյութ
Լցոնած սմբուկ
