Դդմիկը պանրով. Ամառային, թեթև, չծանրացնող նախուտեստ
Այս բաղադրատոմսի համաձայն դդմիկը այնքան համեղ է, որ դուր կգա նույնիսկ նրանց, ովքեր դրանք ընդհանրապես չեն սիրում:
Դդմիկը պանրով. Անհրաժեշտ բաղադրիչները
- Դդմիկ 500գր
- Ձու 2 հատ
- Չորահացի փշուրներ 4 ճաշի գդալ
- Կոշտ պանիր 70 գր
- Աղ, սամիթ՝ ըստ ճաշակի
Դդմիկը պանրով. Պատրաստման եղանակը
- Եթե երիտասարդ դդմիկ եք վերցրել, ապա կեղևը կարելի է չմաքրել: Իսկ, եթե կեղևն արդեն կոշտ է, ապա ավելի լավ է մաքրել:
- Դդմիկը կտրել օղակներով, որոնք պետք է ունենան մի սանտիմետրից մի փոքր քիչ հաստություն:
- Խորհուրդ. Դդմիկը կտրելուց անմիջապես հետո աղ մի արեք, որովհետև այդ դեպքում դրանք կթողնեն ամբողջ հյութը և աղը նույնպես կհեռանա: Համեմեք աղով տապակելուց անմիջապես առաջ:
- Պետք է չորահացի փշրանքներ վերցնել և դրանց ամենամանր քերիչով քերած պանիր ավելացնել: Ձեռքերով խառնել:
- Սամիթը մանր կտրատել և խառնել չորահացի փշրանքների մեջ:
- Առանձին ամանի մեջ հարել աղ արած ձվերը:
- Ծածկել ջեռոցի տապակը յուղաթղթով, այն պետք չէ յուղել:
- Դդմիկի կտորը, թաթախել ձվի մեջ, այնուհետև՝ պաքսիմատի մեջ:
- Բոլոր կտորները թաթախելուց հետո դնել տապակի վրա և թխել 25 րոպե 200 աստիճան տաքացրած ջեռոցում:
Հուշում. Եթե տանը չորահացի փշրանքներ չկան, կարող եք դրանք պատրաստել ինքներդ: Վերցրեք ոչ այնքան թարմ հաց, 2-3 րոպե չորացրեք միկրոալիքային վառարանում և այնուհետև մանրացրեք բլենդերով: Սա շատ ավելի համեղ է, քան խանութից գնվածը:
Դդմիկը կստացվի շատ ախորժելի՝ փխրուն կեղևով և պայծառ բույրով: Ճաշատեսակը կարող եք մատուցել թթվասերով կամ սխտորի սոուսով:
Բարի ախորժակ:
Տեսանյութ
Սմբուկով ուտեստ 2 րոպեում
