Բուրավետ, փափուկ և համեղ դդմիկով բլիթներ, որոնք կարող եք օգտագործել նաև տարբեր քսուքներով և լցոններով թեթև խորտիկ տորթ ձևավորելու համար:
Դդմիկով բլիթներ. Անհրաժեշտ բաղադրիչները
_Ալյուր 450 գր
_Կաթ 250 գր
_Չոր խմորիչ 9 գր
_Ջուր 250 գր
_Ձու 2 հատ
_Շաքարավազ 1 թեյի գդալ
_Աղ 1,5 թեյի գդալ
_Դդմիկ 2 հատ
_Լոլիկ 3 հատ
_Կանաչիներ, համեմունքներ՝ ըստ ճաշակի
_Ֆետա կամ մեկ այլ պանիր 200 գր
Դդմիկով բլիթներ. Պատրաստման եղանակը
_Ձուն խառնել տաք ջրի և տաք կաթի, շաքարավազի և խմորիչի հետ։
_Ավելացնել մաղած ալյուրը և հունցել խմորը։
_Խմորին աղ անել և ծածկել թաղանթով, թողնել տաք տեղում 1 ժամ։
_Քերել դդմիկը միջին քերիչով, աղ անել և թողնել 5 րոպե, լավ քամել հյութից։
_Լոլիկը կտրատել շերտերով, կանաչին մանր կտրատել, սոխը փոքր խորանարդիկներով կտրատել։
_Խմորի մեջ լցնել բոլոր բանջարեղեններն ու կանաչիները, ավելացնել տարբեր համեմունքներն ու անուշաբույր կանաչիները։
_Տապակել խոշոր բլիթները յուղով յուղած տապակի մեջ։
Բլիթները շատ թեթև են, ամառային, բուրավետ և ախորժելի, հատկապես, եթե դրանց վրա ավելացնում եք կծու սոուսներ։
Օրինակ, պատրաստեք հալած պանրով, եփած ձվով, սամիթով, սխտորով, մայոնեզով դասական տարբերակը։
Այս բլիթները կարելի է պատրաստել ծովախեցգետնի ձողիկներով կամ սնկով և այլ քսուքներով ու միջուկներով։
Բարի ախորժակ:
Տեսանյութ
Դդմիկով կոտլետ
