Դդմիկը դարձել է այնպիսի բանջարեղեն, որից պատրաստում են գրեթե ամեն ինչ՝ Դդմիկով խորտիկ, ջեռեփուկներ և նույնիսկ մուրաբա։
Այսօր ես ձեզ հետ կկիսվեմ մի հետաքրքիր նախուտեստի բաղադրատոմսով, որը դարձել է մսային ուտեստների հիանալի այլընտրանք։
Դդմիկով խորտիկ. Անհրաժեշտ բաղադրիչները
_Դդմիկ 1 հատ
_Աղ, պղպեղ, ռեհան, այլ համեմունքներ ըստ ճաշակի
_Պանիր 100 գր
_Ձու 3 հատ
_Պաքսիմատ 100 գր
_Ալյուր 1 ճաշի գդալ
_Բուսական յուղ՝ տապակելու համար
Դդմիկով խորտիկ. Պատրաստման եղանակը
_Կտրել դդմիկը շերտերով, աղ անել, խառնել, թողնել 15 րոպե։
_Քերել պանիրը միջին քերիչով և խառնել ձվի, աղի, պղպեղի և տարբեր համեմունքների ու անուշաբույր կանաչիների հետ, զանգվածը խառնել, մինչև ամբողջովին համասեռ դառնալը։
_Չորացնել դդմիկը թղթե սրբիչներով՝ ավելորդ խոնավությունը հեռացնելու համար։
_Պաքսիմատը խառնել ալյուրի հետ։
_Բուսական յուղը տաքացնել։
_Դդմիկի յուրաքանչյուր կտորը թաթախել պաքսիմատով ալյուրի մեջ, ապա թաթախել պանրային զանգվածի մեջ և դնել թավայի մեջ։
_Տապակել մինչև ոսկե դարչնագույնը, երկու կողմից:
Ստացվում է շատ բուրավետ, խրթխրթան դդմիկով նախուտեստ, որը նվազագույն ժամանակ է ծախսվել եփելու վրա և արդյունքը հիանալի է:
Կարող եք մատուցել կծու և ախորժաբեր սոուսների հետ, օրինակ՝ պարզապես մանանեխն ըստ ճաշակի խառնել մայոնեզի հետ։
Բարի ախորժակ:
Տեսանյութ
Կորեական աղցան գազարով և դդմիկով