Դդմիկով կարկանդակներ. Արագ պատրաստվող և անչափ համեղ են

Դդմիկով կարկանդակներ՝ լցոնված աղացած մսով:

Իհարկե, կարող եք ընտրել նաև այլ տարբերակներ: Դա կարող է լինել ձուկ, սունկ կամ աղ արած կաթնաշոռ՝ կանաչիներով:

Դդմիկով կարկանդակներ. Անհրաժեշտ բաղադրիչները

_Դդմիկ 700 գր

_Գազար 1 հատ

_Ձու 2 հատ

_Ալյուր 3 ճաշի գդալ

_Աամիթ, աղ, պղպեղ, համեմունքներ՝ ըստ ճաշակի

_Աղացած միս 300 գր

Դդմիկով կարկանդակներ. Պատրաստման եղանակը

_Քերել դդմիկը խոշոր քերիչով, աղ անել և թողնել 5 րոպե, ապա քամել հյութը։

_Գազարները նույնպես քերել խոշոր քերիչով, ըստ ճաշակի կանաչիները մանր կտրատել։

_Դդմիկը խառնել գազարի, համեմունքների և անուշաբույր կանաչիների, ձվի, ալյուրի հետ, լավ խառնել, ավելացնել սխտորը՝ ըստ ճաշակի:

Հուշում. կարող է ավելի շատ ալյուր պահանջվի, նայեք խմորի խտությանը, զանգվածը պետք է թանձր լինի։

_Աղացած միսը համեմել համեմունքներով, աղով և անուշաբույր կանաչիներով, խառնել և փոքրիկ բլիթներ ձևավորել:

_Տապակի մեջ տաքացնել բուսայուղը, ճաշի գդալով լցնել զանգվածը, վրան դնել մսով շերտը, այն ծածկել դդմիկի զանգվածով և տապակել մոտ 3-5 րոպե մի կողմից՝ կափարիչով ծածկված, հետո շրջել և տապակել երկրորդ կողմը։

Շատ համեղ են, հագեցնող և բուրավետ, ավելացրեք թթվասեր կամ որևէ սոուս և ստացեք հագեցնող և ոչ սովորական ընթրիք:

Բարի ախորժակ:

Տեսանյութ

Դդմիկով կոտլետ