Դդմիկով կոլոլակ. Թեթև, դյուրամարս ուտելիք
Մսային բոլոր ուտեստներից իմ ընտանիքի անդամներն ամենից շատ նախընտրում են կոլոլակները: Այո, այո, ոչ ֆրանսիական միս, ոչ մսով կարկանդակներ, ոչ կոտլետներ կամ սթեյք: Այդ պատճառով ես միշտ փորձում եմ բազմազանեցնել սովորական մսագնդիկները և դրանց մեջ ինչ-որ նոր բան ավելացնել:
Ձեզ եմ ներկայացնում խոհանոցում իմ վերջին մոգության արդյունքը՝ դդմիկով կոլոլակ: Ամառային կանաչ բանջարեղենը հաջողությամբ բացում է մսի համը: Բայց դա դեռ ամենը չէ. Մեջտեղում ձեզ համեղ միջուկ է սպասում:
Դդմիկով կոլոլակ. Անհրաժեշտ բաղադրիչները
- Դդմիկ 300 գ
- Խոզի միս աղացած 400 գ
- Կոշտ պանիր 150 գ
- Մոցարելլա 120 գ
- Ձու 2 հատ
- Պաքսիմատ 3 ճաշի գդալ
- Աղ` ըստ ճաշակի
- Սև պղպեղ (աղացած)` ըստ ճաշակի
- Պապրիկա `ըստ ճաշակի
- Հունական յոգուրտ 250 գ
- Սամիթ` ըստ ճաշակի
- Վարունգ 0.5 հատ
- Կանաչ սոխ` ըստ ճաշակի
Դդմիկով կոլոլակ. Պատրաստման եղանակը
- Լվանալ դդմիկն ու քերել խոշոր քերիչով, քամել հյութը:
- Աղացած միսը համեմել աղով և պղպեղով, Ավելացնել աղացած սխտոր:
- Կտրատել սոխը և լցնել աղացած մսի վրա, ավելացնել քերած պանիր, դդմիկ, ձու և չորահացի փշրանքներ: Բոլոր բաղադրիչները լավ խառնել:
- Վերցնել մի փոքր ստացված զանգվածի ու բլիթ ձևավորել: Դնել մոցարելլայի մի կտոր կենտրոնում և ձևավորել գնդիկ:
- Յուրաքանչյուր գնդիկ թաթախել պաքսիմատի մեջ և դնել յուղաթղթով ծածկված ջեռոցի տապակի վրա:
- Թխել կես ժամ 200 ° C- ով:
- Սոուս պատրաստելու համար խառնել յոգուրտը, աղը, պղպեղը, կտրատած սամիթը և կանաչ սոխը, մանր կտրատած վարունգը:
Յոգուրտի վրա հիմնված ախորժելի ամառային սոուսը կատարյալ է դդմի կոլոլակների համար: Դուք կարող եք այն կատարելագործել ձեր ճաշակով: Կարելի է ավելացնել, մի փոքր սխտոր` կծվության համար:
:Դդմիկով կոլոլակը պատրաստ է:
Բարի ախորժակ:
Տեսանյութ
Իշլի քյուֆթա
