Դդմիկով կոտլետները կարելի է պատրաստել ճաշացանկը բազմազանեցնելու համար՝ դրանց մեջ ավելացնելով համեղ թթվասերով, սխտորով, կանաչիներով և վարունգով սոուսներ:
Դդմիկով կոտլետներ. Անհրաժեշտ բաղադրիչները
_Դդմիկ 2 հատ
_Սպիտակաձավար 3 ճաշի գդալ
_Գազար 1 հատ
_Կարտոֆիլ 2 հատ
_Ձու 2 հատ
_Սխտոր 2 պճեղ
_Կանաչի, աղ, պղպեղ՝ ըստ ճաշակի
_Համեմունքներ, անուշաբույր կանաչիներ՝ ըստ ճաշակի
Դդմիկով կոտլետներ. Պատրաստման եղանակը
_Քերել դդմիկը և կարտոֆիլը խոշոր քերիչով, աղ անել, խառնել և թողնել 10 րոպե, որպեսզի բանջարեղենն արտազատի հյութը։
_Կարտոֆիլն ու դդմիկը քամել, ավելացնել սպիտակաձավարը, քերած սխտորը, ձուն և խառնել։
_Ավելացնել միջին քերիչով քերած գազարը, կտրատած կանաչին ըստ ճաշակի և խառնել։
_Ավելացնել անուշաբույր կանաչիներ. կարելի է պրովանսյան կամ իտալական համեմունքներ, համեմ, պղպեղ և այլ համեմունքների խառնուրդ և կարտոֆիլի համեմունք:
_Եթե ստացվող զանգվածը ջրիկ է և չի պահպանի իր ձևը, էլի ավելացրեք սպիտակաձավար։
_Կոտլետներ ձևավորել և թաթախել պաքսիմատի կամ ալյուրի մեջ և տապակել բուսայուղի մեջ։
_Սոուսի համար առաջարկված բոլոր բաղադրիչները խառնել քերած վարունգի և սխտորի հետ։
_Կարելի է սոուս պատրաստել նաև մայոնեզից, քերած հալած պանրով, սխտորով և սամիթով։
Այսպիսի նուրբ և հյութալի կոտլետներ մատուցեք սոուսով և ջեռոցում թխած կարտոֆիլի, խորովածի, այլ համեղ ուտեստների և աղցանների հետ։
Բարի ախորժակ:
Տեսանյութ
Դդմիկով կոտլետ
