Դդմիկով նրբաբլիթներ առանց ալյուրի. Շատ պարզ և գերազանց բաղադրատոմս: Այս բաղադրատոմսով պատրաստված բլիթները կարող են լինել ինչպես նախուտեստ, այնպես էլ հիանալի նախաճաշ: Դդմիկով իսկական քնքշություն:
Содержание
Դդմիկով նրբաբլիթներ. Մեզ պետք կլինի.
- Պանիր կամ ֆետա պանիր 150 գ
- Թթվասեր 2 ճաշի գդալ
- Սխտոր 2 պճեղ
- Մի բուռ ընկույզ
- Մաղադանոս, սամիթ կամ համեմ ըստ ձեր ճաշակի
- Դդմիկ 2 հատ
- Ձու 4 հատ
- Աղ.
Դդմիկով նրբաբլիթներ. Պատրաստման եղանակը քայլ առ քայլ
- Նախ կտրատել կանաչիները և մանրացնել բլենդերի մեջ: Դրա վրա ավելացնել մի քանի պճեղ սխտոր և մի բուռ ընկույզ: Հարել բլենդերի մեջ մինչև նուրբ մածուկ ստացվելը:
- Այժմ պանիրը դնել առանձին ամանի մեջ, ավելացնել թթվասեր,այնուհետև նախկինում պատրաստված սոուսը: Հիմա պետք է ամբողջ զանգվածը մանրակրկիտ խառնել պատառաքաղի օգնությամբ:
- Հաջորդը, վերցնել դդմիկը, քերել խոշոր քերիչով, աղ անել, խառնել: Թող մնա 10 րոպե: Ձվերը կոտրել առանձին ամանի մեջ, աղ ավելացնել ու լավ հարել:
- Ամուր քամել քերած դդմիկը ավելորդ խոնավությունից, դրանց խառնել հարած ձվերը: Լցնել տապակի մեջ բուսական յուղը և դդմիկով զանգվածը լցնել, ու բահիկով օգնելով տարածել, որ դառնա բարակ բլիթ:
- Երբ ներքևի մասից նրբաբլիթն արդեն դարչնագույն և ոսկեգունած է դառնում, վրան լցնել նախապատրաստված պանրային լցոնը, հարմարության համար այն կարելի է լցնել խոհարարական տոպրակի մեջ: Այժմ երկու Եվ երկու բահիկներով օգնելով` բլիթից պետք է փաթաթել գլանակը:
- Եվ այսպես շարունակել այնքան ժամանակ, մինչև խմորը և լցոնը չվերջանան:
Դդմիկով նրբաբլիթներն առանց ալյուրի պատրաստ են: Գեղեցիկ, ոսկեգույն, նուրբ ու պարզապես անսովոր համեղ բլիթներ:
Բարի ախորժակ: