Դդմիկով շքեղ ուտեստ. Մսեղենի կարիք չեք զգա, այնքան հագեցնող ու ախորժելի է

Դդմիկով շքեղ ուտեստ. Մսեղենի կարիք չեք զգա, այնքան հագեցնող ու ախորժելի է

Ես պատրաստում եմ ամբողջ ամառը. Նման դդմիկով կարող եք կերակրել ամենաքմահաճ հյուրին:

Կոշտ պանրով ​տապակած դդմիկը քնքուշ և համեղ է ստացվում: Բացի այդ միշտ պետք է հիշել, որ դրանք պարունակում են շատ օգտակար նյութեր և վիտամիններ:

Ուտեստի հաճելի կողմերից մեկն էլ այն է, որ կարող եք վերցնել սխտոր, համեմունքներ և կանաչիներ՝ ձեր ճաշակով:

Դդմիկով շքեղ ուտեստ. Անհրաժեշտ բաղադրիչները

• Դդմիկ 2 հատ
• Ձու 2 հատ
• Աղ, պղպեղ, համեմունքներ՝ ըստ ճաշակի
• Կանաչիներ՝ ըստ ճաշակի
• Օսլա 2 ճաշի գդալ
• Կոշտ պանիր կամ սուլուգունի 150 գ
• Բուսական յուղ 1 ճաշի գդալ

Սոուսի  համար

• Թթվասեր 150 գ
• Սխտոր 3 պճեղ
• Աղ, պղպեղ, համեմունքներ՝ ըստ ճաշակի
• Սամիթ 1 փունջ

Դդմիկով շքեղ ուտեստ. Պատրաստման եղանակը

1. Կտրել դդմիկը շրջանակներով, որպեսզի յուրաքանչյուր երկու օղակներ մի մասով միացված լինեն:
2. Քերել պանիրը միջին անցքերով քերիչի վրա:
3. Ձվերը հարել աղով և պղպեղով:
4. Ցանկացած օսլա վերցրեք ձեր ճաշակով՝ եգիպտացորենի կամ կարտոֆիլի, նույնիսկ ալյուրը հիանալի կլինի:
5. Լցոնել դդմիկի օղակները քերած պանրով:
6. Հուշում. Եթե ժամանակը քիչ է, պանիրը կարող եք կտրատել կտորներով, այդպես կարող եք արագ լցոնել դդմիկը:
7. Թաթախել դդմիկն օսլայի մեջ, ապա ընկղմել ձվի մեջ և տապակել թավայի մեջ մինչև ոսկե դարչնագույնը:
8. Սոուսի համար մանր կտրատել սամիթը, քերել սխտորը քերիչով կամ ճզմել մամլիչով, խառնել թթվասերին, աղ և պղպեղ անել, կարող եք նաև ավելացնել այլ համեմունքներ` ըստ ճաշակի:

Ես այս սոուսով համեղ դդմիկը մատուցում եմ սովորական ընթրիքի համար, բայց այն հարմար է նաև տոնական սեղանին, կարող եք նաև մատուցել որպես խորտիկ պիկնիկի ժամանակ:

Դդմիկով շքեղ ուտեստը պատրաստ է:

Տեսանյութ

Սմբուկով և դդմիկով ուտեստ