Դդմիկով չիփսեր ջեռոցում. Ընդամենը 15 րոպե և համեղ նախուտետը պատրաստ է
Որքան հաճելի է աշխատելիս կամ երեկոյան կինո դիտելիս որևէ համեղ բան ուտել: Սովորաբար այդ կերպ ուտում են չիփսեր, բայց բոլորս գիտենք, թե որքան վատ է դա առողջության և կազմվածքի համար: Այնպես որ, մենք ձեզ կպատմենք, թե ինչպես կարելի է պատրաստել անվնաս խորտիկներ ջեռոցում` դդմիկի չիփսեր:
Դուք կարող եք փոփոխություններ մտցնել այս բաղադրատոմսում, որքան ցանկանում եք: Օրինակ, ավելացնել ձեր նախընտրած համեմունքները կամ պանիրը: Դուք կարող եք պատրաստել դդմիկով չիփսերը ֆրիտյուրի նման, տապակի մեջ կամ միկրոալիքային վառարանում: Բայց ապացուցված է, որ ջեռոցում պատրաստելը նվազագույն վնասակար տարբերակն է:
Դդմիկով չիփսեր ջեռոցում. Անհրաժեշտ մթերքները
- Դդմիկ 1 հատ
- Ցորենի ալյուր 50 գ
- Արևածաղկի ձեթ
- Աղ ըստ համտեսի
- Սև պղպեղ (աղացած) ըստ համտեսի
Դդմիկով չիփսեր ջեռոցում. Պատրաստման եղանակը, քայլ առ քայլ
- Լվանալ դդմիկը և կտրել բարակ շերտերով: Չորացնել անձեռոցիկով` ավելորդ խոնավությունը հեռացնելու համար:
- Դդմիկի յուրաքանչյուր կտորը մանրակրկիտ թաթախել ալյուրի մեջ և դնել յուղաթղթով ծածկված ջեռոցի տապակի վրա:
- Շաղ տալ կտորների վրա բուսական յուղ, աղ և պղպեղ:
- Դնել տապակը ջեռոցում 10 րոպե` 200 ° C ջերմաստիճանում:
Մատուցել դդմիկով չիփսերը ցանկացած սոուսով` կետչուպ, մայոնեզ, սխտոր թթվասերով կամ մանանեխով: Շնորհիվ այն բանի, որ բանջարեղենի համը ավելի չեզոք է, խրթխրթան ուտեստը լավ է համադրվում ցանկացած սոուսի հետ:
Դդմիկով չիփսերը պատրաստ են:
Բարի ախորժակ: