Դդմիկով պարզ ջեռեփուկ. Ամառային զով երեկոյի համեղ ընթրիք
Ամեն տարի դդմիկի սեզոնին ես ուզում եմ դրանցով ավելի բազմազան ուտեստներ պատրաստել: Այս ամռան ընթացքում մենք արդեն հասցրել ենք պատրաստել մուսակա, կապոնատա և նույնիսկ կոլոլակներ այս ունիվերսալ բանջարեղենից: Ջեռոցում պատրաստվող աներևակայելի համեղ ու պարզ ջեռեփուկը հիանալի տարբերակ է թեթև, ամառային ընթրիքի համար: Ախորժելի ուտեստը արագ է պատրաստվում, իսկ դրա պատրաստման համար պահանջվում է բաղադրիչների մատչելի ու համեստ ընտրություն:
Այս յուրահատուկ բաղադրատոմսի հիմքը շատ առողջարար և աներևակայելի քնքուշ դդմիկն է: Նման ուտեստ, իհարկե, կարելի է պատրաստել տարվա ցանկացած եղանակի: Այնուամենայնիվ, պետք է համաձայնել, որ սեզոնային բանջարեղենը հավասարը չունի: Հետևաբար, ճիշտ ժամանակն է օգտագործել երիտասարդ դդմիկ, որն այժմ լի է վիտամիններով: Պանիրը պետք է կոշտ լինի: Այն ջեռոցում հիանալի հալվելու է և ուտեստին տալու է հմայիչ բույր և համ:
Դդմիկով պարզ ջեռեփուկ. Անհրաժեշտ բաղադրիչները
- Դդմիկ 3 հատ
- Սոխ 1 հատ
- Կոշտ պանիր 50 գր
- Սխտոր 3 պճեղ
- Սամիթ՝ ըստ ճաշակի
- Թթվասեր 250 գ
- Ձու 3 հատ
- Ցորենի ալյուր 200 գր
- Փխրեցուցիչ 3 գր
- Մշկընկույզ 0,5 թեյի գդալ
- Աղ՝ ըստ ճաշակի
- Սև պղպեղ (աղացած)՝ ըստ ճաշակի
Դդմիկով պարզ ջեռեփուկ. Պատրաստման եղանակը
- Դդմիկները կտրել փոքր խորանարդներով և տեղափոխել ամանի մեջ, ավելացնել թթվասերը:
- Ձուն հարել առանձին, ապա խառնել ալյուրի և քերած պանրի հետ:
- Ավելացնել կտրատած սոխ և կանաչիներ: Համեմել մշկընկույզով, աղով և պղպեղով, ավելացնել փխրեցուցիչ:
- Արդյունքում ստացված խառնուրդը լցնել դդմիկների վրա և լավ խառնել:
- Ստացված զանգվածը լցնել յուղաթղթով նախապես ծածկված ջեռոցի տապակի մեջ:
- Թխել 180 աստիճան տաքացրած ջեռոցում 40 րոպե
Եթե դուք սիրում եք սեզոնային ջեռեփուկներ, ապա անպայման կգնահատեք այս ուտեստը:
Բարի ախորժակ:
Տեսանյութ
Ծույլ լազանյա լավաշով
