Նախաճաշի համար պատրաստեք ամենահեշտ և արագ դդմիկով պիցցա կամ ձվով բլիթներ լոլիկով և կանաչիներով, թեև միջուկը կարող եք շատ տարբեր պատրաստել ձեր ցանկությամբ:
Դդմիկով պիցցա. Անհրաժեշտ բաղադրիչները
_Դդմիկ 1 հատ
_Ձու 5 հատ
_Աղ պղպեղ՝ ըստ ճաշակի
_Թթվասեր 2 ճաշի գդալ
_Ձիթապտղի յուղ 15 գր
_Կանաչի՝ ըստ ճաշակի
_Լոլիկ 1 հատ
_Պանիր 100 գր
Դդմիկով պիցցա. Պատրաստման եղանակը
_Դդմիկը քերել խոշոր քերիչով, աղ անել, խառնել ու թողնել 5 րոպե։
_Ձվերը հարել հարիչով, մինչև հարթվի:
_Ձվի զանգվածին ավելացնել թթվասերը և հարել։
_Դդմիկը լավ քամել ու ավելացնել ձվային զանգվածին։
_Կանաչին մանր կտրատել և խառնել ձվի ու դդմիկի հետ։
_Լոլիկները օղակներով կտրատել, պանիրը խոշոր քերիչով քերել կամ շերտերով կտրատել:
_Տապակը յուղել կարագով և զանգվածի մի մասը լցնել, լոլիկի օղակներ շարել, դրանց վրա դնել պանրի կտորներ կամ ցանել քերած պանիր։
_Ծածկել կափարիչով և եփել թույլ կրակի վրա՝ մոտ 8 րոպե։
_Մնացածն էլ պատրաստել նույն կերպ և մատուցել տարբեր սոուսների, աղցանների, չորահացերի հետ։
_Ամենապարզ, բայց համեղ և ախորժելի ուտեստը կարելի է բազմազանեցնել ձեր սիրած հավելումներով:
Որպեսզի նրբաբլիթները շատ նուրբ ստացվեն, ընտրեք երիտասարդ դդմիկ, դրանք գրեթե չունեն սերմեր, որոնք քերած դդմիկի զանգվածը դարձնում են մի փոքր կոշտ:
Բարի ախորժակ:
Տեսանյութ
Պիցցա առնաց խմոր թխելու
