Դդմիկով ջեռեփուկ. Թեթև և դյուրամարս ուտեստ

Դդմիկով ջեռեփուկ. Այս ջեռեփուկը միշտ հարմար կլինի ձեր ընտանեկան ճաշացանկում:

Դդմիկը բազմակողմանի բանջարեղեն է, որն օգնում է պատրաստել համեղ ուտեստների լայն տեսականի:

Դդմիկով ջեռեփուկ. Անհրաժեշտ բաղադրիչները

_Դդմիկ 2 հատ

_Ձու 3 հատ

_Թթվասեր 3 ճաշի գդալ

_Ալյուր 6 ճաշի գդալ

_Աղ պղպեղ

_Մոցարելլա պանիր 100 գր

_Լոլիկ 2-3 հատ

_Կարագ՝ ըստ ճաշակի

Դդմիկով ջեռեփուկ. Պատրաստման եղանակը

_Աղը անել ձվերի վրա և խառնել թթվասերի, ալյուրի հետ: Զանգվածը լավ հարել հարիչով: Խմորը ջրիկոտ կստացվի:

_Քերել դդմիկը խոշոր քերիչով, մի փոքր աղ անել և թողնել 5 րոպե:

_Քամել դդմիկի զանգվածը և ավելացնել խմորին, խառնել մինչև հարթվի:

_Խմորը լցնել կարագով քսած կաղապարի մեջ:

_Վրան դնել լոլիկի շրջանակները, ցանել քերած պանիր ​​և կանաչիներ:

_Թխել 180 աստիճան տաքացրած ջեռոցում մոտ 20-25 րոպե:

ՈՒտեստը շատ համեղ ու քնքուշ է թե տաք, թե սառը վիճակում: Մատուցել թթվասերով և տարբեր տնական սոուսներով, հարմար են սխտորով և կանաչիներով կծու սոուսները: Եթե ​​սիրում եք սնկով ջեռեփուկ, կարող եք խմորին ավելացնել նաև տապակած շամպինիոն:

Բարի ախորժակ:

Տեսանյութ

Ամենաարագ և համեղ ընթրիքը