Դդմիկով ջեռեփուկ. Ախորժելի և հագեցնող ընթրիքը հաճախ եմ պատրաստում

Կարտոֆիլով և Դդմիկով ջեռեփուկը ախորժելի է, շատ փափուկ, հյութալի, սննդարար և առողջարար է ստացվում։

Դուք կարող եք օգտագործել բաղադրատոմսը որպես հիմք և ավելացնել մի շարք մթերքներ, որոնք լավ համադրվում են կարտոֆիլի և դդմիկի հետ:

Դդմիկով ջեռեփուկ. Անհրաժեշտ բաղադրիչները

_Կարտոֆիլ 3 հատ

_Դդմիկ 2 հատ

_Ձու 3 հատ

_Ալյուր 80 գր

_Պանիր 80 գր

_Խոզապուխտ 100 գր

_Պաքսիմատ՝ ըստ ճաշակի

_Աղ, պղպեղ, համեմունքներ՝ ըստ ճաշակի

_Անուշաբույր կանաչիներ՝ ըստ ճաշակի

Դդմիկով ջեռեփուկ. Պատրաստման եղանակը

_Կարտոֆիլն ու դդմիկը քերել խոշոր քերիչով, աղ անել, թողնել մի երկու րոպե, հետո քամել կուտակված հյութը։

_Բուսական զանգվածին ավելացնել ձվերը, խառնել։

_Լցնել ալյուրը, ըստ ցանկության աղը, պղպեղը, սուսամբարը, մյուս անուշաբույր կանաչիները և զանգվածը մանրակրկիտ հունցել։

_Ջեռոցի համար նախատեսված տապակը յուղել բուսայուղով և ցանել պաքսիմատը։

_Բուսական զանգվածի մի մասը հավասար շերտով տարածել։

_Ցանել քերած պանիրը ​​և դնել խոզապուխտի շերտերը:

_Զանգվածի երկրորդ մասը լցնել վրան, հարթեցնել։

_Թխել 200 աստիճանով մոտ 15-20 րոպե։

Այնպիսի ախորժելի ու հագեցնող ջեռեփուկը մատուցում եմ թե տաք, թե սառը վիճակում, ավելացնում եմ ամառային տարբեր սոուսներ։ Օրինակ՝ թթվասեր, կտրատած սամիթ, սխտոր կամ մայոնեզ, մանանեխ և կանաչիներ:

Բարի ախորժակ:

Տեսանյութ

Պատրաստում ենք ջեռեփուկ կարտոֆիլով