Դդմիկով և աղացած մսով ուտեստ. Արագ ստացվող, դյուրամարս կերակուր

Դդմիկով և աղացած մսով ուտեստ. Համեղ, հագեցնող ու առողջ ուտեստի պարզ բաղադրատոմս:

Ճաշատեսակը ստացվում է աղացած մսով լցոնված բլիթների պես, բայց շատ ավելի քիչ ժամանակ կվատնեք ուտելիք պատրաստելու վրա:

Դդմիկով և աղացած մսով ուտեստ. Անհրաժեշտ բաղադրիչները

_Դդմիկ 500 գ

_Քաղցր պղպեղ 100 գ

_Աղացած միս 200 գ

_Ձու 2 հատ

_Յուղալի թթվասեր 3 ճաշի գդալ

_Ալյուր 4 ճաշի գդալ

_Պանիր 100 գ

_Սխտոր 2 պճեղ

_Աղ, պղպեղ, համեմունքներ՝ ըստ ճաշակի

Դդմիկով և աղացած մսով ուտեստ. Պատրաստման եղանակը

_Կտրել սոխը փոքր խորանարդներով և տապակել բուսական յուղով:

_Տապակի մեջ ավելացնել աղացած միս, աղ և պղպեղ, համեմել համեմունքներով`ըստ ճաշակի և տապակել զանգվածը մինչև փափկելը: Գործընթացը տևում է մոտ 10 րոպե:

_Քերել դդմիկը խոշոր քերիչով և քամել անջատված հյութը:

_Դդմիկով զանգվածը խառնել թթվասերի, ձվի և քերած սխտորի հետ:

Հուշում. Կարող եք նաև ավելացնել համեմ, ռեհան, թարմ խոտաբույսեր:

_Ավելացնել ալյուրը, լավ խառնել:

_Տապակի մեջ մի քիչ բուսայուղ տաքացնել և այնքան խմոր լցնել, որ բարակ և մեծ բլիթ պատրաստվի:

_Ծածկել և տապակել թույլ կրակով 5-7 րոպե:

_Նրբաբլիթի մի կողմում (մի շրջեք այն) դնել մի փոքր միջուկ, քերած պանիր և ծածկել մյուս կողմով: Պետք է չեբուրեկի նման ստացվի:

_Կափարիչով ծածկված տապակել մոտ 1 րոպե, մինչև պանիրը հալվի ներսում:

Այսպիսով, մենք պատրաստում ենք բոլոր նրբաբլիթները և ստանում շատ փափուկ և քնքուշ, ախորժելի և հագեցնող ուտեստ:

Մատուցեք տաք սոուսներով, պարզապես թթվասերով կամ ուղղակի կարագով:

Բարի ախորժակ:

Տեսանյութ

Ծույլ լազանյա լավաշով