Պարզվում է, որ Դդմիկով և պանրով կարկանդակ պատրաստելը շատ ավելի հեշտ և համեղ է։ Անպայման ծանոթացեք բաղադրատոմսին, որը հենց նրանց համար է, ովքեր արդեն հուսահատ ցանկանում են մինչև սեզոնի վերջ գտնել դդմիկ պատրաստելու նոր եղանակ:
Ի դեպ, կոշտ ֆետա պանրի փոխարեն կարող եք օգտագործել ցանկացած այլ պանիր։ Կարևորն այն է, որ դդմիկով և լոլիկով կարկանդակի վրա ստանաք ախորժելի պանրի «շերտ»:
Դդմիկով և պանրով կարկանդակ. Բաղադրիչներ
_Դդմիկ 4 հատ
_Արևածաղկի ձեթ 50 մլ
_Աղ՝ ըստ ճաշակի
_Սև պղպեղ (աղացած) ըստ ճաշակի
_Չորահացի փշրանքներ 2 ճաշի գդալ
_Ձու 5 հատ
_Մածուն 350 մլ
_Ցորենի ալյուր 2 բաժակ
_Սոդա 0,5 թեյի գդալ
_Կանաչ սոխ 2 փունջ
_Լոլիկ 3 հատ
_Ֆետա պանիր՝ ըստ ճաշակի
Դդմիկով և պանրով կարկանդակ. Պատրաստման եղանակը
_Կտրել դդմիկը հաստ շերտերով: Նրանց վրա լցնել 30 մլ արևածաղկի ձեթ, աղ, պղպեղ, ավելացնել պաքսիմատ և խառնել։
_Ջեռոցի տապակը ծածկել յուղաթղթով և շարել դդմիկը մեկ շերտով։
_Թխել 20 րոպե նախապես 180°C տաքացրած ջեռոցում։
_Ձվերը խառնել մնացած արևածաղկի ձեթի, աղի, պղպեղի և մածունի հետ։
_Ձվի զանգվածի մեջ լցնել ալյուրն ու սոդան։ Խմորը շաղախել և ավելացնել մանր կտրատած կանաչ սոխը, խառնել։
_Եփած դդմիկի վրա լցնել խմորը, հավասարաչափ տարածելով մակերեսին։
_Խմորի վրա դնել բարակ շերտով կտրատած լոլիկները։
_Կաղապարը նորից դրեք ջեռոցը, նույն ջերմաստիճանում թխվելու ևս 25 րոպե։
_Կոշտ ֆետա պանիրը քերել։ Շաղ տալ տապակի մեջ թխված կարկանդակի վրա և դնել ջեռոցում 10 րոպեով։
Կերակուրը ոչ միայն համեղ է ստացվում, այլև օգտակար։ Այն կարելի է մատուցել որպես անկախ ուտեստ կամ որպես նախուտեստ։
Բարի ախորժակ:
Տեսանյութ
Համեղ պիցցա
