Դիետիկ կոտլետներ. Թռչնամսով և կաթնաշոռով նուրբ ուտեստ ջեռոցում

Վերջերս ես իմ ընտանիքին առաջարկեցի փորձել դիետիկ կոտլետներ հնդուհավի մսով, որը պատրաստեցի ջեռոցում, որպես համեղ այլընտրանք մսով տապակած կոտլետներին։

Եվ ես շատ ուրախ եմ, որ նրանց դուր եկավ: Չէ՞ որ այս կոտլետները պատրաստվում են առանց մի գրամ բուսայուղի։ Ի՞նչը կարող է ավելի առողջարար լինել, քան սպիտակ միսը կաթնաշոռով, այն էլ առանց տապակելու։

Քանի որ այս կոտլետները հիմնականում երեխաների համար եմ պատրաստում, ապա աղացած մսին ​​ավելորդ համեմունքներ և սխտոր չեմ ավելացնում։ Ես ինքս դրանք ուտում եմ, երբ դիետա եմ պահում: Այս կոտլետները մնում են նուրբ և հյութալի նույնիսկ երկրորդ օրը։ Կարող եք մատուցել հնդկացորենի շիլայի հետ։

Դիետիկ կոտլետներ. Անհրաժեշտ բաղադրիչներ

_Հնդկահավի աղացած միս 0,5 կգ

_Կաթնաշոռ 200 գ

_Ձու 2 հատ.

_Սոխ 1 հատ.

_Աղ 0,5 թ/գդ

_Սև պղպեղ (աղացած) ըստ ճաշակի

_Հացի փշրանքներ 50 գ

_Ջուր 50 մլ

Դիետիկ կոտլետներ. Պատրաստման եղանակը

_Չորահացի փշուրների վրա ջուր լցնել, թող ուռչեն։ Այդ ընթացքում կաթնաշոռը հարել բլենդերով, իսկ հնդկահավի կրծքամիսը աղալ։

_Աղացած մսին ավելացնել ձվերը, ըստ ճաշակի աղն ու պղպեղը, խառնել։

_Սոխը մանրացնել բլենդերով։ Խառնել սոխը, ուռած չորահացը և կաթնաշոռը աղացած մսի հետ: Ջեռոցի տապակը յուղել բուսայուղով կամ ծածկել յուղաթղթով։

_Աղացած մսից ձևավորել մոտ 12 նույն չափի կոտլետներ։ Դրեք դրանք տապակի վրա:

_Եփել նախապես 180°C տաքացրած ջեռոցում 25-30 րոպե։ Մատուցել տաք վիճակում։

Իսկ որպեսզի հնդկահավի կոտլետներն էլ ավելի նուրբ լինեն, եփման ավարտից 10 րոպե առաջ վրան մի փոքրիկ կտոր կարագ դրեք։ Ես երբեմն նաև կանաչի եմ ավելացնում աղացած միսին, օրինակ՝ սամիթ։ Ամեն ինչ կախված է ձեր ճաշակից:

Բարի ախորժակ:

Տեսանյութ

Կիևյան կոտլետներ