Համեղ երշիկով բլիթներ. Փարթամ խմոր, ախորժելի բուրմունք և հագեցնող միջուկ… Ի՞նչը կարող է ավելի լավ լինել:
Քանի որ այս հարցի պատասխանը գտնելը բավականին դժվար է, առաջարկում ենք խմորիչով բլիթներ թխել երշիկներով։ Իսկ ծաղկի տեսքով թխելու հետաքրքիր ձևն այն դարձնում է շատ ակնահաճո: Բոլորը կցանկանան որքան հնարավոր է շուտ համտեսել այս գեղեցկությունը:
Այս անզուգական գանգուրները կհիացնեն ձեզ առաջին կծումից։ Հիմնական բանը խմորիչով խմորը ճիշտ հունցելն է: Այդ դեպքում քնքուշ ու փարթամ ուտեստի տեսքով արդյունքը երաշխավորված է։
Երշիկով բլիթներ. Բաղադրիչներ
_ Մածուն կամ Կեֆիր 1.5 բաժակ
_ Ջուր 1,5 բաժակ
_ Շաքարավազ 1 ճաշի գդալ
_ Խմորիչ 11 գ
_ Աղ 1 թեյի գդալ
_ Արևածաղկի ձեթ 0,5 ճաշի գդալ
_ Ամբողջական ցորենի ալյուր 450 գ
_ Սովորական ալյուր 550 գ
_ Ձու 1 հատ
_ Սերուցք 1 ճաշի գդալ
_ Երշիկ(սարդելկա) 12 հատ
Երշիկով բլիթներ. Պատրաստման եղանակը
_ Թթխմորի համար խորը տարայի մեջ խառնել մածունը եռման ջրի հետ։
_ Ավելացնել շաքարավազ, աղ և խմորիչ: Լավ խառնել և թողնել 15 րոպե սենյակային ջերմաստիճանում։
_ Առանձին ամանի մեջ խառնել արևածաղկի ձեթը և ամբողջական ցորենի ալյուրը։
_ Զանգվածին ավելացնել թթխմորը, լցնել ցորենի ալյուր և միասեռ խմոր հունցել։
_ Ծածկել թաղանթով և թողնել 20 րոպե։
_ Խմորը բաժանել նույն չափի 12 կտորների, յուրաքանչյուրից բուլկիներ ձևավորել։ Թեթև տափակեցնել դրանք:
_ Երշիկները մաքրել կեղևից։ Դնել խմորի կտորների վրա, փաթաթել խմորով, սեղմել եզրերը:
_ Թեքել խմորի կարի կողմը դեպի ներքև: Մինչև վերջ չհասնելով կտրել այն խաչաձև 5 մասի։
_ Ստացված մասերից զգուշորեն ձևավորել ծաղիկը, փորձելով չվնասել բուլկու ապագա ձևը:
_ Դնել դրանք յուղաթղթով պատված ջեռոցի տապակի վրա:
_ Ձուն հարել սերուցքի հետ։ Ստացված խառնուրդը քսել բուլկիներին։
_ Կես ժամով դնել 200 աստիճան տաքացրած ջեռոցում։
_ Թխելուց առաջ խմորի ծաղկի կենտրոնում կարելի է շաղ տալ քնջութի սերմեր։ Այդպես պատրաստի գանգուրներն ավելի գեղեցիկ տեսք կունենան:
Սա հիանալի տարբերակ է հանգստյան օրերին նախաճաշելու կամ աշխատավայրում հաճելի խորտիկի համար:
Բարի ախորժակ:
Տեսանյութ
Տնական կոտլետներով չիզբուրգեր