Երշիկով բլիթներ. Դյուրամարս ուտելիք

Ասել, որ հարազատներս զարմացել են երշիկով բլիթները փորձելուց հետո, նշանակում է ոչինչ չասել:

Ես սիրում եմ կերակրացանկին բազմազանություն ավելացնել և ժամանակ առ ժամանակ զարմացնել ընտանիքիս տարբեր բաներով: Խոհարարական որոշ փորձեր ավարտվում են լիակատար ձախողմամբ: Մյուսները կարելի է անվանել իրական գտածոներ:

Յուղալի երշիկեղենով բլիթները հիանալի նախաճաշ կամ խորտիկ կլինեն ձեր ընտանիքի անդամների համար ամբողջ օրվա ընթացքում: Հիմնական բաղադրիչը սալյամին է: Համեմունքների, թարմ խոտաբույսերի և պանրի հետ միասին ուտեստը ստանում է պայծառ համ: Նրբաբլիթների, ալադիների և այլ տեսակի խմորեղենի սիրահարները պետք է անպայման փորձեն այս հիանալի բլիթները:

Երշիկով բլիթներ. Անհրաժեշտ բաղադրիչները

_Ձու 2 հատ

_Մածուն 360 մլ

_Ցորենի ալյուր 6 ճաշի գդալ

_Փխրեցուցիչ 0.5 թեյի գդալ

_Շաքար 1 ճաշի գդալ

_Պղպեղի խառնուրդ

_Սալյամի  200 գ

_Կանաչ սոխ` ըստ ճաշակի

_Սամիթ `ըստ ճաշակի

_Կոշտ պանիր 200 գ

_Ձիթապտղի յուղ 2 ճաշի գդալ

Երշիկով բլիթներ. Պատրաստման եղանակը

_Խոշոր քերիչով քերել սալյամին և պանիրը: Լվանալ և մանրացնել սամիթը և սոխը:

_Խառնել ձվերը, համեմունքներն ու շաքարավազը մեծ ամանի մեջ, ապա հարել մինչև շաքարի լուծվելը:

_Ավելացնել մածուն և նորից հարել: Երբ խառնուրդը համասեռ դառնա, աստիճանաբար ավելացնել ալյուր և փխրեցուցիչի խառնուրդ, լավ խառնել:

_Վերջում ավելացնել սալյամին, պանիրը, կանաչիները և ձիթապտղի յուղը: Հունցել, մինչև համասեռ զանգված ստացվի

_Թավայի տակը քսել ձիթապտղի յուղով: Խառնուրդը գդալով լցնել դրա վրա ՝ կլոր բլիթ կազմելով:

_Տապակել, կափարիչով ծածկված, յուրաքանչյուր կողմում 2-3 րոպե:

Անձամբ ես տասից ինը անգամը նախընտրում եմ մի կտոր հաց՝ երշիկով և մեկ բաժակ սուրճով: Բայց տասներորդ անգամ ես հաճույքով կհանեմ երշիկը սառնարանից ու կսկսեմ բլիթներ պատրաստել:

Երշիկով բլիթները պատրաստ են:

Բարի ախորժակ:

Տեսանյութ

Դդմիկով կոտետ