Զատկի պիցցա կամ պանրով ֆոկաչա. Անուշաբույր հագեցնող հացատեսակ

Զատկի պիցցա կամ պանրով ֆոկաչա պատրաստեք եթե ուզում եք վայելել անչափ հետաքրքիր, համաշխարհային գաստրոնոմիական Օլիմպոսին արժանի նախուտեստ:

Նույնիսկ այսօր հարավային Իտալիայում պիցցա տերմինը նշանակում է ոչ միայն դասական պիցցա, ջեռոցում թխած լցոններով բլիթ, այլև շատ այլ տեսակի թխուկներ, լցոնած և տապակած, լցոնած ֆոկաչա և նմանատիպ ուտեստներ:

Զատկի պիցցա կամ պանրով ֆոկաչա. Անհրաժեշտ բաղադրիչները

_Կաթ 120 գր

_Պարմեզան պանիր 280 գր

_Ձու 200 գր

_Ալյուր  400 գր

_Աղ 4 գր

_Չոր խմորիչ 4 գր

_Ձիթապտղի յուղ 100 գր

Զատկի պիցցա կամ պանրով ֆոկաչա. Պատրաստման եղանակը

_Ամանի մեջ խառնել ալյուրը և խմորիչը: Առանձին ամանի մեջ լցնել կաթը, ավելացնել ձուն և աղը, խառնել։

_Ձվի զանգվածին ավելացնել միջին քերիչով քերած պանիրը, խառնել մինչև հարթվի, ապա աստիճանաբար 3-4 փուլով ավելացնել ալյուրը խմորիչով։

_Խմորը հունցել և թողնել 20 րոպե հանգստանալու համար, ապա ավելացնել ձիթապտղի յուղը:

_Կրկին հունցել խմորը, գնդել և թողնել սենյակային ջերմաստիճանում մոտ 2,5 ժամ հասունացման համար։

_Հետո խմորը նորից հունցել և թողնել 20 րոպե հանգստանա:

_Խմորը բաժանել 3 մասի (ես օգտագործել եմ 3 ձևաման՝ 0,9 լ ծավալով), ռուլետներ կամ գնդիկներ անել (կախված ձևամանից), դնել յուղապատ ձևամանների մեջ, ծածկել թաց սրբիչով և թողնել վերջնական հասունացման համար ~2 ժամ:

_Թխել 180°C-ում լավ տաքացրած ջեռոցում ~45 րոպե։

Բարի ախորժակ:

Տեսանյութ

Ֆիթնես հաց