Պատրաստեք Ընթրիք հավի մսով, եթե սիրում եք հեշտ պատրաստվող ուտեստներ, երբ բաղադրիչները լցնում եք մեկ թավայի մեջ և մեկ ժամից կերակուրը պատրաստ է։
Հավի միսը դիետիկ է, բացի այդ, այն հեշտությամբ մարսվող սպիտակուցների, վիտամինների և հանքանյութերի աղբյուր է։ Դե, իսկ որ այն ավելի արագ է եփվում, քան ցանկացած այլ տեսակ, իմ կարծիքով, դրա ամենանշանակալի առավելությունն է։
Բայց միայն հավի կրծքամսով չես կշտանա։ Բացի դրանից, այս բաղադրատոմսում պարունակվում է կարտոֆիլ, մեծ քանակությամբ համեմունքներ և ձվով ու թթվասեր սոուս։
Ախորժելի է թվում, այնպես չէ՞: Եկեք սկսենք պատրաստել:
Ընթրիք հավի մսով. Բաղադրիչներ
_Սոխ 1 հատ
_Կարտոֆիլ 3 հատ
_Արևածաղկի ձեթ 2 ճաշի գդալ
_Աղ՝ ըստ ճաշակի
_Աղացած կարմիր պղպեղ՝ ըստ ճաշակի
_Օրեգանո(սուսամբար)՝ ըստ ճաշակի
_Սև պղպեղ (աղացած)՝ ըստ ճաշակի
_Հավի կրծքամիս 2 հատ
_Ձու 2 հատ
_Թթվասեր 200 գ
_Կարրի 1 թեյի գդալ
_Չորացրած անանուխ 1 ճաշի գդալ
_Լոլիկ 1 հատ
_Չեդդեր 100 գ
_Կանաչ սոխ՝ ըստ ճաշակի
Ընթրիք հավի մսով. Պատրաստման եղանակը
_Սոխը կիսաշրջանաձև կտրատել, կարտոֆիլը՝ շրջանակներով։
_Թխման կաղապարի մեջ լցնել 1 ճաշի գդալ արևածաղկի ձեթ:
_Լցնել կտրատած սոխը, որի վրա շարել կարտոֆիլը:
_Լցնել ևս մեկ ճաշի գդալ արևածաղկի ձեթ: Համեմել աղով, սուսամբարով և կարմիր ու սև պղպեղով՝ ըստ ճաշակի։
_Հավի կրծքամիսը կտրատել մեծ խորանարդիկներով։ Համեմել աղով, պղպեղով, սուսամբարով, լավ խառնել։
_Մի ամանի մեջ խառնել ձուն, թթվասերը, կարրին, անանուխը և 1 թեյի գդալ աղ: Հարել հարիչով մինչև համասեռ լինի:
_Հավի կրծքամսի կտորները շարել կարտոֆիլի վրա՝ կաղապարի մեջ, վրան հավասարապես լցնել ձվի և թթվասերի խառնուրդը։
_Կաղապարը ծածկել յուղաթղթով, ապա փայլաթիթեղով:
_Թխել նախապես 200 աստիճան տաքացրած ջեռոցում 40 րոպե։
_Լոլիկը շրջանաձև կտրատել ու չեդդերը քերել։
_Նշված ժամանակից հետո ուտեստը հանել ջեռոցից, ցանել քերած պանիրը, վրան դնել լոլիկը, աղ անել։
_Դնել թխելու ևս 10 րոպե։
Մատուցելուց առաջ կերակուրի վրա շաղ տալ մանր կտրատած կանաչ սոխ:
Պատրաստ է համեղ Ընթրիք հավի մսով, փորձեք, ուտեստը շատ համեղ է և նուրբ։
Բարի ախորժակ:
Տեսանյութ
Ջեռեփուկ կարտոֆիլով և հավի մսով
