Ընկույզով կոտլետներ. Իտալական խոհանոցի անուշաբույր ուտեստ

Այս իտալական Ընկույզով կոտլետները շատ են տարբերվում նրանցից, որոնց մենք սովոր ենք թե՛ աղացած մսի բաղադրությամբ, թե՛ արտաքին տեսքով։ Դրանց հիմքը, ինչպես և սպասվում էր, միսն է։ Եվ այստեղից են սկսվում իրական հրաշքները։ Դատե՛ք ինքներդ։

Աղացած մսի մեջ լցնում ենք ընկույզն ու մանր կտրատած կանաչին, տապակած սոխը, պարմեզանը, ռիկոտան ու կիտրոնի համը։ Ստացվում է շատ համեղ, անսովոր բուրավետ և զարմանալիորեն քնքուշ:

Այն կարելի է մատուցել ձեր նախընտրած կողմնակի ճաշատեսակի ուղեկցությամբ։

Ընկույզով կոտլետներ. Անհրաժեշտ բաղադրիչները

_Սխտոր 3 պճեղ

_Ընկույզ 100 գր

_Կիտրոնի քերուկ 1 հատ

_Պաքսիմատ 500 գր

_Խոզապուխտ 150 գր

_Ռիկոտա պանիր 250 գր

_Մաղադանոս փունջ

_Ռեհանի ճյուղեր 2 հատ

_Ձու 1 հատ

_Քերած պարմեզան  25 գր

_Բուսական յուղ 200 մլ

_Աղ պղպեղ՝ ըստ ճաշակի

_Աղացած տավարի միս 500 գր

_Սոխ 1 հատ

Ընկույզով կոտլետներ. Պատրաստման եղանակը

_Մաքրել և կտրատել սոխն ու սխտորը։ Խոշոր կտրատել ընկույզը:

_Մաղադանոսի և ռեհանի տերևները լվանալ, չորացնել և մանր կտրատել:

_Տապակի մեջ տաքացնել բուսայուղի կեսը, տապակել սոխը և ընկույզը 5 րոպե։

_Ավելացնել սխտորը, եփել ևս 2 րոպե, վերցնել կրակից և թողնել սառչի։

_Ռիկոտան տրորել, ամանի մեջ խառնել մանրացված կանաչիները պաքսիմատի, պարմեզանի, քերուկի և ձվի հետ։

_Աղացած մսին ավելացնել սոխի, ընկույզի և սխտորի տապակած խառնուրդը։

_Համեմել աղով, պղպեղով և մանրակրկիտ խառնել աղացած միսը 1 ժամով դնել սառնարանը։

_Հանել սառնարանից, պարբերաբար թրջելով ձեռքերը սառը ջրով, պատրաստել փոքրիկ հարթ կոտլետներ։

_Յուրաքանչյուր կոտլետ փաթաթել խոզապուխտի շերտով և ամրացնել եզրը ատամի փայտիկով:

_Տապակը դնել կրակի վրա լցնել ձեթ և տաքացնել տապակել կոտլետները տաք բուսայուղի մեջ ուժեղ կրակի վրա՝ յուրաքանչյուրը 3-4 րոպե, յուրաքանչյուր կողմից:

_Կրակն իջեցնել, ծածկել և եփել ևս 10 րոպե։

Բարի ախորժակ:

Տեսանյութ

Իշլի քյուֆթա