Թավշյա հավի կրծքամիս. Համեղ ու նուրբ թռչնամիս պատրաստելու հետաքրքիր եղանակ

Թավշյա հավի կրծքամիս. Համեղ ու նուրբ թռչնամիս պատրաստելու հետաքրքիր եղանակ

Այս տեխնոլոգիայով եփած միսը բառացիորեն հալվում է ձեր բերանում: Ներսից շատ քնքուշ և փափուկ, իսկ դրսից ստացվում է թավշյա կեղև: Անպայման պատրաստեք և չեք փոշմանի:

Նուրբ կրծքամսի պատրաստման այս եղանակը ձեզ շատ դուր կգա, քանի որ համն անմոռանալի կլինի:

Թավշյա հավի կրծքամիս. Անհրաժեշտ բաղադրիչները

• Հավի ֆիլե — 500-600 գ

Մարինադի համար

• Սոյայի սոուս — 1 ճաշի գդալ
• Աղացած սև պղպեղ` ըստ ճաշակի
• Սպիտակուց — 1 հատ
• Օսլա — 1 ճաշի գդալ
• Խնձորի քացախ 6% — 1 ճաշի գդալ (կարող է փոխարինվել կիտրոնի հյութով)

Սոուսի համար

• Սոյայի սոուս — 4 ճաշի գդալ
• Մեղր — 1 թեյի գդալ
• Խնձորի քացախ 6% — 1 ճաշի գդալ (կարող է փոխարինվել կիտրոնի հյութով)
• Քնջութ — 1 ճաշի գդալ

Տապակման համար

• Բուսական յուղ — 4 ճաշի գդալ

Թավշյա հավի կրծքամիս. Պատրաստման եղանակը

1. Հավի կրծքամիսը մանր կտորներով կտրել: Ավելացնել սոյայի սոուս, օսլա, քացախ, սև պղպեղ, սպիտակուց:
2. Ամեն ինչ լավ խառնել այնպես, որ յուրաքանչյուր կտոր միս ծածկված լինի մարինադով: Թողնել մարինացվի առնվազն 30 րոպե:
3. Սոուսի համար խառնել քնջութի սերմերը, սոյայի սոուսը, քացախը, մեղրը:
4. Տապակը լավ տաքացնել: Լցնել 4-5 ճաշի գդալ բուսական յուղ:
5. Հավի կրծքամսի կտորները տապակել 2-3 րոպե երկու կողմերից մինչև ոսկե դարչնագույնը:
6. Իջեցնել կրակը: Լցնել սոուսը մսի վրա, խառնել: Տապակել ևս 2 րոպե:

Թավշյա հավի կրծքամիսը պատրաստ է:

Կարելի է մատուցել կտրատած կանաչ սոխով և բրնձով: Աննկարագրելի համեղ է, անպայման պատրաստեք և հյուրասիրեք սիրելիներին:

Բարի ախորժակ:

Տեսանյութ

Հավի մսով տապակա