Թթվասերով շոգեխաշած կարտոֆիլ. Նուրբ քնքուշ և հագեցնող ուտեստ, որը շատ հարմար է, երբ ուզում եմ արագ պատրաստել համեղ կարտոֆիլ, և մատուցել ճաշի կամ ընթրիքի համար: Իմ նախընտրած բաղադրատոմսերի ցանկում պահպանել եմ այս բաղադրատոմսը:
Նուրբ շոգեխաշած կարտոֆիլը միշտ օգնում է, երբ հյուրերն անսպասելիորեն են գալիս, և շատ քիչ ժամանակ է մնում որևէ ուտեստ պատրաստելու համար, մանավանդ որ այն ստացվում է ուղղակի բերանում հալչող, քնքուշ, և նուրբ: Փորձեք այն, դուք չեք փոշմանի:
Թթվասերով շոգեխաշած կարտոֆիլ. Բաղադրիչներ
_Կարտոֆիլ 1 կգ
_Թթվասեր 1,5 ճաշի գդալ
_Կարագ 100 գր
_Ցորենի ալյուր 1 ճաշի գդալ
_Չորացրած սամիթ
_Աղ, աղացած պղպեղ՝ ըստ ճաշակի
Թթվասերով շոգեխաշած կարտոֆիլ. Քայլ առ քայլ բաղադրատոմս
_Կարտոֆիլը կճպել, կտրատել փոքր խորանարդներով և թեթևակի` մոտ 2-3 րոպե տապակել դրանք լավ տաքացրած տապակի մեջ հալեցված կարագով:
_Թեթև տապակել ալյուրը չոր, տաք տապակի մեջ, լավ խառնելով, մինչև այն վարդագույն դառնա:
_Ավելացնել թթվասեր, աղ, աղացած պղպեղ, լավ խառնել:
_Տապակած կարտոֆիլը լցնել սոուսով տապակի մեջ, ամուր փակել կափարիչով և եփել մինչև 20-25 րոպե:
_Պատրաստ լինելուց մոտ 5 րոպե առաջ վրան ավելացնել չորացրած սամիթ:
Կարտոֆիլը պատրաստ է, այն կարող եք մատուցել ձեր նախընտրած կանաչիներով, կամ թարմ բանջարեղենով:
Բարի ախորժակ:
Տեսանյութ
Կարտոֆիլ ջեռոցում
