Թխած բանջարեղեն կարելի է պատրաստել տարբեր առիթներով, սա բազմակողմանի ու հագեցնող ուտեստ է:
Հայտնի է, որ մսային ուտեստներն ավելի լավ են ներծծվում օրգանիզմի կողմից և ավելի հեշտ են մարսվում, եթե մատուցվում են բանջարեղենի հետ։ Իսկ եթե բանջարեղենը թխում եք, այն ավելի համեղ է ստացվում:
Թխած բանջարեղենի գլխավոր գաղտնիքը, որն այսօր առաջարկում են պատրաստել, կիտրոնի մարինադն է։ Այն հիանալի կերպով ընդգծում է յուրաքանչյուր բաղադրիչի համը, ինչպես նաև օգնում է պահպանել բանջարեղենի բնական գույնը: Պատրաստեք, չեք զղջա:
Թխած բանջարեղեն. Բաղադրիչներ
_Դդմիկ 2 հատ
_Սմբուկ 1 հատ
_Լոլիկ 2 հատ
_Կարմիր սոխ 1 հատ
_Բուլղարական պղպեղ 1 հատ
_Սխտոր 4 պճեղ
_Կիտրոնի հյութ 20 մլ
_Մաղադանոս 1 փունջ
_Ձիթապտղի յուղ՝ ըստ ճաշակի
_Աղ՝ ըստ ճաշակի
_Սև պղպեղ (աղացած)՝ ըստ ճաշակի
Թխած բանջարեղեն. Պատրաստման եղանակը
_Բանջարեղենը կտրատել մեծ կտորներով և դնել ամանի մեջ։
_Աղ անել ըստ ճաշակի, շաղ տալ կիտրոնի հյութ և թող մարինացվի։
_Ջեռոցը տաքացնել մինչև 200°C։
_Բանջարեղենը տեղափոխել ձիթապտղի յուղով յուղված թխման տարայի մեջ և ծածկել փայլաթիթեղով։
_Դնել թխելու 15 րոպե։
_Հեռացնել փայլաթիթեղը, միացնել ջեռոցի վերին գրիլը և թող պատրաստվի ևս 10 րոպե։
Նման ուտեստն ավելի լավ է մատուցել տաք, մի քիչ պղպեղ անելուց և կտրատած մաղադանոս ցանելուց հետո։
Բարի ախորժակ:
Տեսանյութ
Բրոկոլիով աղցան