Թույլ խմորով պիցցա. Արագ պատրաստվող նախուտեստ

Թույլ խմորով պիցցա. Արագ պատրաստվող նախուտեստ

Սա թերևս ամենահեշտ և ամենաարագ բաղադրատոմսն է: Խմորը դառնում է փափուկ և թեթև, խոնավ, այն միշտ հիանալի է ստացվում:

Ես օգտագործում եմ տարբեր լցոնումներ՝ ինչպես քաղցր, այնպես էլ՝ կծու:

Թույլ խմորով պիցցա. Անհրաժեշտ բաղադրիչները

_Կեֆիր 250 մլ

_Ձու 1 հատ

_Բուսական յուղ 1 ճաշի գդալ

_Փխրեցուցիչ 1 թեյի գդալ

_Աղ մի պտղունց

_Շաքարավազ մի պտղունց

_Ալյուր 160 գ

_Կետչուպ 3 ճաշի գդալ

_Խոզապուխտ 100 գ

_Շամպինիոններ 3 հատ

_Պանիր, համեմունքներ՝ ըստ ճաշակի

_Կանաչիներ՝ ըստ ճաշակի

Թույլ խմորով պիցցա. Պատրաստման եղանակը

_Մի փոքր տաքացնել կեֆիրը և խառնել բուսական յուղի և ձվի հետ:

_Մաղել ալյուրը փխրեցուցիչի և աղի հետ միասին, ավելացնել շաքարավազը և բոլորը միասին ավելացնել զանգվածին

_Խմորը հարել, զանգվածը պետք է թանձր ստացվի:

Հուշում. Այս խմորը հիանալի է ստացվում խմորի սոդայով կամ ցանկացած խմորիչով: Միայն թե այս դեպքում պետք է լավ տաքացնել կեֆիրը, և լուծել խմորիչը:

_Ջեռոցի տապակին քսել կարագ և ալյուր ցանել, խմորը տարածել, հավասարեցնել:

_Վրան կետչուպ կամ տոմատի մածուկ քսել, լցնել միջուկը՝ ըստ ձեր ցանկության:

_Պետք է թխել 10 րոպե՝ 200 աստիճանով:

_Այժմ հանել պիցցան և վրան շաղ տալ քերած պանիր: Կարելի է խառնել կանաչիների և պիցցայի համեմունքների հետ:

_Մնում է թխել ևս 10 րոպե:

Կարկանդակը հիանալի է որպես ընթրիք, խորտիկ, կարող եք այն ձեզ հետ վերցնել պիկնիկի:

Այս խմորով շատ համեղ են կարկանդակները ծիրանի, սալորի ջեմով կամ խնձորի շերտերով:

Բարի ախորժակ:

Տեսանյութ

Աշխարհի ամենաարագ և համեղ ընթրիքը